अनुदान:प्रधानमंत्री आवास योजनेच्या प्रलंबित‎ अनुदान प्रश्नी तोडगा काढू : खा. विखे‎

शहरातील प्रधानमंत्री आवास‎ योजनेच्या रखडलेल्या अनुदानाचा‎ प्रश्न लाभार्थ्यांच्या जिव्हाळ्याचा‎ असून येत्या महिन्याभरात याबाबत‎ तोडगा काढून अनुदान उपलब्ध‎ होण्याबाबत मार्ग काढू, असे‎ आश्वासन खासदार डॉ. सुजय‎ विखे यांनी दिले.‎ शासकीय विश्रामगृहावर घरकुल‎ संघटनेच्या सदस्यांनी खासदार डॉ.‎ विखे यांची भेट घेऊन निवेदन देत‎ व्यथा मांडल्या. यावेळी संघटनेचे‎ संस्थापक माजी नगरसेवक रामनाथ‎ बंग म्हणाले, पालिकेने २१३ पात्र‎ लाभार्थ्यांना सुमारे चार वर्षांपूर्वी‎ घरकुल मंजूर केले. सर्वांनी राहते‎ घर पाडून नवीन घर बांधण्यास‎ प्रारंभ केला.

पालीखेड़ा पहिला‎ हफ्ता मिळालेल्या रकमेतून काम‎ सुरू झाले. पुढे मात्र चौथा व पाचवा‎ हफ्ता प्रलंबित राहिल्याने कामे‎ अपूर्ण राहून राहण्या योग्य घरे झाली‎ नसल्याने स्थलांतरित यासारखे‎‎‎‎‎‎‎‎‎‎‎‎ जीवन जगण्याची लाभार्थ्यांना वेळ‎ आली. गेल्या तीन वर्षांपासून अनेक‎ वेळा आंदोलने झाली, निवेदने‎ दिली. पण आश्वासनाशिवाय काही‎ पदरी पडले नाही.

भाड्याच्या घरात‎ राहून हातावर पोट असणाऱ्या‎ लाभार्थ्यांच्या आर्थिक भार आता‎ असहाय होत आहे. सर्वच लाभार्थी‎ मोलमजुरी करणारे दारिद्र्य‎ रेषेखालील आहेत. दुसरा व तिसरा‎ हफ्ता सुद्धा वारंवार मागणी करून‎ मिळाल्याने बांधकाम खर्चात सुद्धा‎ वाढ झाली. यावेळी माजी‎ नगराध्यक्ष अभय आव्हाड, ज्येष्ठ‎‎‎‎‎‎‎‎‎‎‎‎ नेते अर्जुन शिरसाट, अॅड. प्रतीक‎ खेडकर, अजय रक्ताटे, भाजपचे‎ तालुकाध्यक्ष माणिक खेडकर‎ याबरोबरच संघटनेचे कार्यकर्ते‎ दत्तात्रय इजारे, राजेंद्र उदारे,‎ एकनाथ भंडारी, सलीम शेख,‎ अलका डोमकावळे, सुलताना‎ शेख, गणेश राऊत आदी उपस्थित‎ होते. यावेळी खासदार डॉ. सुजय‎ विखे म्हणाले, पूर्वीच्या थकीत‎ हप्त्याबाबत आपणच पाठपुरावा‎ केला होता. चौथा व पाचवा हप्ता‎ मिळण्यासाठी संबंधितांशी बोलून‎ विषय मार्गी लावू, असे सांगितले.‎