ग्रामीण विकासकार्य ठप्प:कामावर जाताना दिसला, की ‘गद्दार, गद्दार’च्या घोषणा‎

जुन्या पेन्शन योजना लागू करावी या‎ मागणीसाठी शासकीय कर्मचारी‎ मंगळवारपासून बेमुदत संपावर गेले‎ आहेत. ग्रामीण विकासाचे‎ कामकाज करणाऱ्या जिल्हा परिषद‎ व पंचायत समितीचे तब्बल १४‎ हजार २२८ कर्मचारी संपावर गेल्याने‎ दिवसभर कामकाज ठप्प राहिले.‎ केवळ वरिष्ठ अधिकारीच‎ कार्यालयात होते. एखाद्या‎ कर्मचाऱ्याने कामावर जाण्याचा‎ प्रयत्न केला, तर गद्दार, गद्दार अशा‎ घोषणाही दिल्या जात होत्या.‎ कामावर जाणाऱ्या कर्मचाऱ्याचा‎ मोबाइल क्रमांकही गद्दार नावाने‎ सेव्ह करण्याचे आवाहन यावेळी‎‎‎‎‎‎‎‎‎‎‎‎‎ आंदोलकांनी केले.‎

जुनी पेन्शन योजना लागू करावी या‎ मागणीसाठी सर्व शासकीय‎ कर्मचारी बेमुदत संपावर गेले‎ आहेत. जिल्हा परिषदेतील सर्व‎ कर्मचारी मंगळवारी सकाळीच‎‎‎‎‎‎‎‎‎‎‎‎‎ जिल्हा परिषदेसमोर जमले होते,‎ ‘एकच मिशन, जुनी पेन्शन’ अशा‎ टोप्या घालून जोरदार घोषणाबाजी‎ कार्यात आली. जिल्हा परिदेय‎ प्रवेशद्वारासमोरच निदर्शने झाली.‎ त्यानंतर वाहनतळ आवारात मंडप‎‎‎‎‎‎‎‎‎‎‎‎‎ उभारून त्यात ठाण मांडले होते.‎ मोठ्या संख्येने महिला कर्मचारीही‎ आंदोलनात सहभागी झाल्या होत्या.‎ जिल्हा परिषद मुख्यालयात ३७८‎ कर्मचारी असून ४९ रजेवर आहेत,‎ ३१ जणांनी काम केले, तर २९७ जण‎‎‎‎‎‎‎‎‎‎‎‎‎ संपात सहभागी झाले. ग्रामीण‎ भागातील १५ ह जार ६१५‎ कर्मचाऱ्यांपैकी २६९ रजेवर होते, तर‎ कार्यालयात १ हजार ११८ जणांनी‎ काम केले. संपात १४ हजार २२८‎ कर्मचारी सहभागी झाले.‎

संपकरी कर्मचाऱ्यांना‎ नोटिसा बजावणार‎
दहावी व बारावीच्या परीक्षेचे‎ कामकाज ठप्प होऊ नये, यासाठी‎ विशेष दक्षता घेतली आहे. त्यामुळे‎ आजचा पेपर होऊ शकला आहे. जे‎ कर्मचारी संपावर गेले आहेत, त्यांना‎ आम्ही नोटिसा बजावणार आहोत.‎ आशीष येरेकर, मुख्य कार्यकारी‎ अधिकारी.‎

ही कामे झाले ठप्प‎
प्रशासनात मार्चअखेरची लगबग‎ सुरू असल्याने बिले मंजुरी,‎ विकासकामांवर खर्च करणे यासह‎ तांत्रिक कामे सुरू आहेत. तसेच‎ २०२३-२०२४ चे वार्षीक अंदाजपत्रक‎ तयार करण्याचेही काम अंतिम‎ टप्प्यात आहे. अशातच कर्मचारी‎ संपावर गेल्याने प्रशासकीय सर्वच‎ कामे तूर्तास थांबली आहेत.‎