हृदयरोग तपासणी शिबिर:संतांचे आशीर्वाद अन् विचारांनी‎ "आनंदऋषीजी''त मानवसेवेचे काम‎; महापौर रोहिणी शेंडगे यांचे प्रतिपादन‎

माणसाला माणूस म्हणून जगवण्याचे‎ कार्य आनंदऋषीजी हॉस्पिटल करत‎ आहे, संतांचे आशीर्वाद व त्यांच्या‎ विचाराने मानवसेवेचे काम‎ हॉस्पिटलमध्ये हाेत आहे, असे प्रतिपादन‎ महापौर रोहिणी शेंडगे यांनी केले. या‎ हाॅस्पिटलच्या मानवरुपी ईश्‍वरसेवेला‎ महापालिकेच्या माध्यमातून नेहमीच‎ सहकार्य राहील, असे आश्‍वासनही‎ त्यांनी यावेळी दिले.‎ आनंदऋषिजी हॉस्पिटल मध्ये आचार्य‎ श्री आनंदऋषीजी महाराज यांच्या‎ स्मृतिदिनानिमित्त रमेश बोथरा‎ परिवाराच्या वतीने आयोजित मोफत‎ हृदयरोग तपासणी शिबिराच्या‎ उद्घाटनाप्रसंगी महापौर शेंडगे बोलत‎ होत्या. यावेळी मनपा स्थायी समितीचे‎ सभापती गणेश कवडे, युवासेनेचे विक्रम‎ राठोड, माजी महापौर भगवान फुलसौंदर,‎ अभिषेक कळमकर, शिवसेना‎ शहरप्रमुख शंभाजी कदम, नगरसेवक‎ बाळासाहेब बोराटे, दत्ता जाधव, पारुनाथ‎ ढोकळे, शरद कोके, कुसुमबाई बोथरा,‎ दीपक बोथरा, ज्योती बोथरा, अमृता‎ बोथरा, रमेश बोथरा, अनिता बोथरा,‎ संतोष बोथरा, बाबूशेठ लोढा, डॉ.‎ आशिष भंडारी, प्रकाश छल्लाणी, डॉ.‎ वसंत कटारिया, वसंत चोपडा, सुभाष‎ मुनोत, डॉ. अमित थोपटे, डॉ. पियुष‎ मराठे, डॉ. विनय छल्लाणी आदी‎‎‎‎‎‎‎‎‎‎‎‎‎‎‎‎‎‎‎ उपस्थित होते.‎ प्रास्ताविक डॉ. वसंत कटारिया यांनी केले.‎ संतोष बोथरा म्हणाले, शिवसेनेचे उपनेते स्व.‎ अनिल राठोड यांनी आनंदऋषीजी‎ हॉस्पिटलसाठी नेहमी सहकार्य केले.‎ रुग्णसेवेच्या या कार्यात त्यांचे योगदान राहिले‎ आहे. संतांच्या आशीर्वादाने त्यांनी‎ समाजसेवेचे व्रत अंगीकारून काम केल्याने‎ त्याचे आजही शहरात नाव घेतले जात‎ असल्याचे त्यांनी सांगितले.‎ संभाजी कदम यांनी धकाधकीच्या‎ जीवनात मैदाने ओस पडली आहेत.‎ हॉस्पिटल भरली आहे.

समाज‎ आरोग्यदायी करण्यासाठी व्यायामाकडे‎‎‎‎‎‎‎‎‎‎‎‎‎‎‎‎‎‎‎ वळण्याची गरज असल्याचे सांगितले.‎ तर आनंदऋषीजी हॉस्पिटलचा बहरलेला‎ वटवृक्ष सर्वांना आरोग्याची सावली देत‎ असल्याचे त्यांनी स्पष्ट केले.‎ गणेश कवडे म्हणाले, आनंदऋषीजी‎ महाराजांच्या कृपेने हॉस्पिटलमध्ये‎ आरोग्य सेवा सुरू आहे. तळागाळातील‎ लोकांना याचा लाभ मिळत आहे.‎ नगर-कल्याण रोडला उभे राहत‎ असलेल्या आनंदऋषीजी हॉस्पिटलच्या‎ दुसऱ्या प्रकल्पाला सहकार्य राहील.‎ आभार प्रकाश छल्लाणी यांनी मानले. या‎ शिबिरात २२३ रुग्णांची मोफत हृदय‎ तपासणी करण्यात आली.‎

जे इतरांसाठी जगतात तेच अजरामर होतात : फुलसौंदर‎
जगा आणि जगू द्या!, हे आनंदऋषीची महाराजांचे विचार घेऊन हॉस्पिटलचे कार्य सुरु‎ आहे. माणसात देव पाहून रुग्णसेवेचे कार्य सुरू आहे. जे इतरांसाठी जगतात तेच अजरामर‎ होतात. याच विचारधारेने शहरात स्व. अनिल राठोड यांच्या प्रेरणेने समाजसेवेचा वसा‎ शिवसेना पुढे चालवत आहे, असे भगवान फुलसौंदर यांनी सांगितले.‎