प्रतिपादन:महिलांनी नियमित करावी‎ आरोग्यतपासणी : डॉ. पटारे‎

विविध जबाबदाऱ्या सांभाळताना,‎ महिलेचे आपल्या आरोग्याकडे‎ दुर्लक्ष होते. त्यामुळे अनेक‎ छोट्या-मोठ्या व्याधींना सामोरे‎ जावे लागते. अशा परिस्थितीत‎ आहार आणि व्यायामाबरोबरच‎ नियमित आरोग्य तपासणी केली‎ पाहिजे, असे प्रतिपादन प्रसिद्ध‎ नेत्रतज्ञ डॉ. स्मिता पटारे यांनी केले.‎ जागतिक महिला दिनाच्या‎ पार्श्वभूमीवर भिंगार येथील श्री‎ दंतेश्वरी माता महिला मंडळ व‎ श्रीराम भजनी मंडळ, हलबा‎ समाज यांच्या वतीने चौंडेश्वरी‎ मंदिर, सरपण गल्ली येथे मोफत‎ नेत्रतपासणी शिबिराचे आयोजन‎ करण्यात आले होते. फिनिक्स‎ फाऊंडेशनच्या सहकार्याने‎ आयोजित शिबिरात प्रसिद्ध नेत्रतज्ञ‎ डॉ. स्मिता पटारे यांनी महिलांची‎ नेत्रतपासणी केली. याप्रसंगी‎ जालिंदर बोरुडे, डॉ. भावना शेळके‎ उपस्थित होते.‎

याप्रसंगी जालिंदर बोरुडे‎ म्हणाले, की वाढत्या आरोग्य‎ खर्चामुळे अनेकजण आपल्या‎ दुखण्याकडे दुर्लक्ष करतात, त्याचे‎ दुष्परिणाम भविष्यात मोठ्या‎ प्रमाणात भोगावे लागतात. त्यासाठी‎ वेळीच उपचार होणे गरजेचे‎ असते. आज महिला मंडळाच्या‎ वतीने मोफत नेत्रतपासणी‎ शिबिराच्या माध्यमातून महिलांची‎ तपासणी झाल्याने खऱ्या अर्थाने‎ महिला दिन साजरा झाला.‎ श्रीराम भजनी मंडळाच्या प्रमुख‎ डॉ. भावना शेळके यांनी महिलांना‎ डोळ्यांची काळजी कशी घ्यायची‎ व महिलांनी स्वतःची काळजी‎ कशी घ्यायची, याबद्दल मार्गदर्शन‎ केले. डॉ. स्मिता पटारे आय‎ क्लिनिक व फिनिक्स‎ फाउंडेशनच्या सहकार्याने‎ आयोजित या शिबीरात १४७‎ महिलांची नेत्रतपासणी करण्यात‎ आली. श्रीराम भजनी मंडळ व श्री‎ दंतेश्वरी माता महिला मंडळ‎ हलबा समाज भिंगार या दोन्ही‎ ग्रुपच्या महिलांनी या‎ कार्यक्रमासाठी आठ दिवस‎ अतिशय परिश्रम घेऊन या‎ कार्यक्रमाची तयारी केली.‎