नव्याने पक्ष बांधणी:बाळासाहेबांचे विचार घेऊन कार्य‎

जिल्ह्यात बाळासाहेबांच्या शिवसेनेचे नवचैतन्य व‎ विचारांचा झंझावात घेऊन जनसामान्यांमध्ये कार्य‎ करत आहे. पक्ष बळकट करण्याच्या उद्देशाने‎ नव्याने पक्ष बांधणी सुरु झालेली अाहे.‎ सर्वसामान्य केंद्रबिंदू ठेवून सामाजिक बांधिलकीने‎ प्रत्येक पदाधिकारी व कार्यकर्ता योगदान देण्यास‎ कटिबध्द असल्याचे प्रतिपादन जिल्हाप्रमुख‎ अनिल शिंदे यांनी केले.‎ बाळासाहेबांच्या शिवसेनेच्या मध्यवर्ती जिल्हा‎ पक्ष कार्यालयात पदाधिकार्‍यांच्या नियुक्त्या व‎ मुख्यमंत्री एकनाथ शिंदे यांच्या वाढदिवसानिमित्त‎ सामाजिक उपक्रमांचे आयोजन करण्यात आले.‎‎

‎‎‎‎‎‎‎‎‎‎याप्रसंगी शिंदे बोलत होते. यावेळी प्रवक्ते संजीव‎ भोर, शहर प्रमुख दिलीप सातपुते, संपर्कप्रमुख‎ सचिन जाधव, बाबुशेठ टायरवाले, बंडू रोहोकले‎ आदी उपस्थित होते.‎ नियुक्त कार्यकारिणीत दलित आघाडी प्रमुख-‎ पोपटराव पाथरे, युवा सेना नगर उपतालुका प्रमुख‎ सचिन ठोंबरे, उपशहर प्रमुख आनंद वाळके, युवा‎‎‎‎‎‎‎‎‎‎‎‎ सेना उपशहर प्रमुख अक्षय शिंगवी, प्रसिध्दी प्रमुख‎ प्रल्हाद जोशी, युवा सेना जिल्हाप्रमुख‎ (शेवगाव-पाथर्डी) साईनाथ आधाट, संघटक‎ (राहुरी, शेवगाव, पाथर्डी) अमोल हुबे, युवा सेना‎ शहर प्रमुख महेश लोंढे, उपजिल्हाप्रमुख‎ (शेवगाव) दिलीप भागवत, युवा सेना जिल्हा‎ प्रमुख आकाश कातोरे आदींची नियुक्ती केली.‎