मार्गदर्शन:शिवचरित्रातून तरुणांनी आदर- सन्मान शिकावा;प्रा. यशवंत गोसावी‎ यांचे प्रतिपादन‎

शिवचरित्रातून छत्रपती शिवाजी‎ महाराजांनी केलेला‎ आई-वडिलांचा आदर सन्मान‎ तरुणांनी शिकला पाहिजे. कठीण‎ प्रसंगात संघर्षाच्या काळात कसे‎ वागायचे हे पुरंदरचा तह,‎ अफजलखानाच्या आक्रमण,‎ शाहिस्तेखानाची फटफजिती यातून‎ प्रेरणा घेऊन शिकावे, असे‎ प्रतिपादन प्रा. यशवंत गोसावी यांनी‎ केले.‎ परतूर तालुक्यातील आष्टी येथे‎ व्यापारी महासंघाच्या वतीने‎ शिवजन्मोत्सव निमित्त आयाेजित‎ व्याख्यानात ते बोलत होते. प्रा.‎ गोसावी यांनी शिवचरित्र व‎‎‎‎‎‎‎‎‎‎‎‎‎‎‎‎‎ आजचा समाज या विषयावर‎ मार्गदर्शन केले.

व्यासपीठावर‎ जिल्हा व्यापारी महासंघाचे अध्यक्ष‎ हस्तीमल बंब, आष्टी व्यापारी‎ महासंघाचे अध्यक्ष श्रीकृष्ण‎‎‎‎‎‎‎‎‎‎‎‎‎‎‎‎‎ टेकाळे, हबिब शेख, भागवत‎ जगताप, नारायण वांशिबे, नितीन‎ जेथलिया, रामप्रसाद थोरात,‎ मधुकर मोरे, नसरुल्लाखाॅन पठाण‎ यांची उपस्थिती होती. प्रा. गोसावी‎ म्हणाले, जिजाऊ पूजन , शिव‎ पूजन प्रत्येक शुभप्रसंगी झालीच‎ पाहिजे परंतु आरती नाही. छत्रपती‎ शिवाजी महाराज हे कोणत्याही‎ जाती धर्माच्या चौकटीतील नव्हते‎ तर त्यांनी अठरापगड जातीला‎ एकत्र करून मावळ्यांच्या‎ माध्यमातून स्वराज्य निर्माण केलेले‎ आहे.

सुत्रसंचलन धनराज मलाडे‎ यांनी तर कृष्णा टेकाळे यांनी‎ आभार मानले. यावेळी‎ परिसरातील नागरिक व महिलांची‎ मोठ्या संख्येने उपस्थिती होती.‎ दरम्यान, सकाळी गावातून‎ शोभायात्रा काढण्यात आली.‎ यावेळी छत्रपती शिवाजी‎ महाराजांचा जयघोष करण्यात‎ आला. शाळकरी मुलांनी लेझीम‎ पथकाद्वारे कवायती सादर केल्या.‎ तसेच रक्तदान शिबीर घेऊन यात‎ ७१ दात्यांनी रक्तदान केले.‎