दिव्य मराठी विशेष ‎:महिला स्वयंसहाय्यता समूहांना 15 कोटी‎

जिल्ह्यातील उमेद महाराष्ट्र राज्य‎ ग्रामीण जीवनोन्नती अभियान,‎ जिल्हा अभियान व्यवस्थापन कक्ष,‎ जिल्हा परिषद बुलडाणा अंतर्गत‎ ६०० महिला स्वयं सहाय्यता‎ समूहांना ९ कोटी रुपये बँक कर्ज व‎ उमेद अभियानातील निधी २०००‎ समूहांना प्रत्येकी १५,००० रुपये‎ प्रमाणे ३ कोटी रुपये, ५०० समूहांना‎ प्रत्येकी ६० हजार रुपये प्रमाणे ३‎ कोटी रुपये, ग्रामसंघांना ७० लाख‎ व्यवस्थापन निधी, पीएमएफएम‎ आदी योजनेंतर्गत २५ लाख रुपये‎ असे एकूण १५.९५ कोटी रुपयांचे‎ वाटप खासदार प्रतापराव जाधव‎ यांच्या हस्ते करण्यात आले. महिला‎‎‎‎‎‎‎‎‎‎‎‎‎‎‎ दिना निमित्त हा कार्यक्रम आयोजित‎ करण्यात आला होता.‎ या कार्यक्रमाच्या प्रास्ताविकेत‎ जिल्हा ग्रामीण विकास यंत्रणा तथा‎‎‎‎‎‎‎‎‎‎‎‎‎‎‎ जिल्हा अभियान सहसंचालक तथा‎ प्रकल्प संचालक राजेश इंगळे यांनी‎ केले. कार्यक्रमाच्या अध्यक्षस्थानी‎ खासदार प्रतापराव जाधव हे होते.‎

मेळाव्याला अनुसरून महिलांना‎ संबोधित करताना खासदार जाधव‎ यांनी उमेद अभियानातील महिलांना‎ महिला स्वयं सहाय्यता समूह म्हणजे‎ काय? याचे महत्व पटवून सांगितले.‎ कार्यक्रमात पाच उत्कृष्ट उद्योजक‎ महिलांच्या यशोगाथा संबंधित‎ महिलांकडून ऐकण्यात आल्या.‎ तसेच निधी वाटपावेळी बँकेचे कर्ज,‎ अभियानातून मिळणारा फिरता‎ निधी, व्यवस्थापन निधी, समुदाय‎ गुंतवणूक निधी याप्रमाणे पात्र‎ महिलांना निधी वाटप करण्यात‎ आले. या कार्यक्रमाला जिल्हा‎ अग्रणी बँकेचे व्यवस्थापक नरेश‎ हेडाऊ, एस. बी. आयचे विभागीय‎ अधिकारी भरत शेळके, जिल्हा‎ अभियान व्यवस्थापक नितीन‎ मेश्राम, गटविकास अधिकारी‎ बुलडाणा श्रीमती पवार, गटविकास‎ अधिकारी नांदुरा समाधान वाघ,‎ गटविकास अधिकारी खामगाव‎ चंदनसिंग राजपूत, गटविकास‎ अधिकारी शेगाव सतीश देशमुख,‎ गटविकास अधिकारी मलकापूर‎ उद्धव होळकर, गटविकास‎ अधिकारी लोणार उमेश देशमुख,‎ शहर प्रमुख गजेंद्र दांदडे तसेच उमेद‎ अभियानातील जिल्ह्यातील‎ अधिकारी, कर्मचारी तसेच समुदाय‎ संसाधन व्यक्ती (महिला कॅडर) व‎ समूहातील महिला वर्ग उपस्थित‎ होता. कार्यक्रमाचे सूत्रसंचालन‎ सुषमा मुंगळे यांनी केले तर आभार‎ प्रदर्शन जिल्हा व्यवस्थापक विक्रांत‎ जाधव यांनी केले.‎