जलसाठ्यात घट:मेहकर उपविभागांतील 16‎ लघुपाटबंधारे प्रकल्प निम्म्यावर‎ ; ''कोराडी''मध्ये 89 टक्के पाणी‎

मेहकर‎23 दिवसांपूर्वी

कॉपी लिंक

मागील वर्षी चांगला पाऊस होऊनही आता‎ उन्हाळ्याच्या सुरुवातीलाच पाटबंधारे‎ विभागाच्या मेहकर उपविभागांतर्गत १७ पैकी‎ १६ लघु पाटबंधारे प्रकल्पांमधील जलसाठा‎ निम्म्यावर आला आहे. यातील सहा‎ प्रकल्पांमध्ये तर २५ टक्केच पाणी राहिल्याचे‎ वास्तव आहे. तर शंभर टक्के भरलेल्या‎ कोराडी मध्यम सिंचन प्रकल्पात ८९ टक्के‎ साठा उपलब्ध आहे.‎ तालुक्यात मागील वर्षी पावसाळ्यात‎ मोठ्या प्रमाणात पाऊस झाला. त्यासोबतच‎ अतिवृष्टीही झाली होती. त्यामुळे कोराडी व‎ पेनटाकळी या मोठ्या प्रकल्पांसह अन्य लघु‎ पाटबंधारे प्रकल्पही पूर्णपणे भरले होते.‎ त्यामुळे परिसरातील शेतकऱ्यांना खरीप‎ आणि रब्बी हंगामातील पिकांसाठी या‎ पाण्याचा मोठा आधार झाला होता.‎ यासोबतच पिण्याच्या पाण्याच्या दृष्टीनेही‎ मोठा दिलासा मिळाला होता. पावसाळा‎ संपल्यानंतर आता आठ महिन्यांचा‎ कालावधी होत असतानाही या प्रकल्पाची‎ पातळी ५४४.९० असून, त्यामध्ये ८९ टक्के‎ जलसाठा उपलब्ध आहे. यामुळे परिसरातील‎ सिंचन आणि पाणीपुरवठ्याला बहुतांशी‎ आधार मिळणार आहे.‎ उन्हाळ्याच्या तोंडावर आता १६ लघु‎ पाटबंधारे प्रकल्पांमध्ये ५० टक्क्यांपेक्षाही‎ कमी जलसाठा राहिला आहे. पांगरखेड,‎ पळशी, कळंबेश्वर, घनवटपूर, शिवणी‎ जाट, पिंपळनेर, िटटवी, तांबोळा, गुंधा,‎ देऊळगाव कुंडपाळ, अंभाेरा, िहरडव,‎ केशवशिवणी, गारखेड, मांडवा, गंधारी या‎ प्रकल्पांचा यामध्ये समावेश आहे. यापैकी‎ सहा प्रकल्पांमध्ये तर २५ टक्क्यांपेक्षाही कमी‎ जलसाठा राहिला आहे. दुसरबीड, निमगाव‎ वायाळ आणि देवखेड हे कोल्हापुरी बंधारे‎ काही दिवसांपूर्वीच कोरडे पडले आहेत.‎ बोराखेडी प्रकल्पात सद्य:स्थितीत ५१ टक्के‎ जलसाठा शिल्लक आहे. काही दिवसांपूर्वी‎ कोराडी आणि पेनटाकळी प्रकल्पातून पैनगंगा‎ नदीत पाणी सोडण्यात आले. त्यामुळे‎ परिसरातील रब्बी पिकांना मोठा आधार‎ झाला. दुसरीकडे मात्र लघु पाटबंधारे‎ प्रकल्पांची पाणीपातळी खालावल्याने‎ पाणीसमस्या बिकट होण्याची चिन्हे दिसत‎ आहेत.‎

बातम्या आणखी आहेत...

अ‍ॅप उघडा

Our Divisions

This website follows the DNPA Code of Ethics.

फीडबॅक द्या