निवेदनाची घेतली दखल‎:महागाव नगरपंचायतला 7 कोटी 80लाखांचा निधी; घरकुलांची कामे होणार‎

नगर पंचायत क्षेत्रातील घरकुलाचे‎ काम निधीअभावी रखडले होते.‎ गटनेते रामराव पाटील नरवाडे यांनी‎ निधीसाठी पाठपुरावा करीत दिलेल्या‎ निवेदनाची दखल घेत शासना ने नगर‎ पंचायतच्या खात्यात ७ कोटी ८०‎ लाख रूपये जमा केल्याची माहिती‎ नगराध्यक्षा करूणा शिरबिरे यांनी‎ दिली. या निधीतून रखडलेल्या‎ घरकुलांची कामे पूर्ण होणार आहेत.‎महागाव नगर पंचायत अंतर्गत‎ पंतप्रधान आवास योजनेमध्ये प्रथम‎ डीपीआरमध्ये २७५, व्दितीय डीपीआर‎ मध्ये ४०१, असे एकुण ६७६ घरकुल‎ मंजुर झाले आहे. असे असतांना प्रथम‎ डीपीआर मधील २७५ लाभार्थींना‎ राज्य शासनाकडून एक कोटी १०‎ लाख रुपये, केंद्र शासनाकडून एक‎ कोटी ६४ लाख ४० हजार रूपये,‎ असा निधी मंजुर झाला होता. तो‎ संपूर्ण निधी घरकुल लाभार्थींना‎ देण्यात येऊन खर्च झाला तरीही‎ यामधील राज्य शासनाचा एक कोटी‎ ६५ लाख रूपये, केंद्र शासनाचा २‎‎‎‎‎‎‎‎‎‎‎ कोटी ४८ लाख १० रुपये, असा एकुण‎ ४ कोटी १२ लाख रुपये निधी अद्याप‎ प्राप्त झालाच नाही.

तसेच व्दितीय‎ डीपीआरमध्ये ४०१ लाभार्थींना‎ घरकुल मंजुर झाले असून, त्या करीता‎ राज्य शासनाचा ४ कोटी एक लाख‎ रुपये, केंद्र शासनाचा ६ कोटी एक‎ लाख ५० हजार रूपये, असा एकुण १०‎ कोटी २ लाख ५० हजार रुपये निधी‎ मंजुर झाला, परंतु तो भेटला नसल्याने‎ शहरातील घरकुल लाभार्थींच्या घराचे‎ बांधकाम रखडले होते.‎ हे घरकुलाचे काम पूर्ण होण्यासाठी‎ निधी तात्काळ उपलब्ध करून देण्यात‎ यावा, यासाठी महागाव नगर‎ पंचायतीचे गटनेते रामराव पाटील‎‎‎‎‎‎‎‎‎‎‎ यांच्या नेतृत्वात राज्याचे मुख्यमंत्री‎ एकनाथ शिंदे, पालकमंत्री संजय‎ राठोड, नगर पंचायत प्रशासनाने मुख्य‎ अभियंता, राज्यस्तरीय समन्वय‎ अधिकारी, प्रधानमंत्री आवास‎ योजना, महाराष्ट्र गृहनिर्माण व क्षेत्र‎ विकास प्राधिकरण मुंबई यांच्याकडे‎ पत्रव्यवहार करण्यात आला होता.‎ रामराव पाटील यांनी केलेल्या‎ पाठपुराव्याला यश येवुन शासनाच्या‎ वतीने ७ कोटी ८० लाख रुपये नगर‎ पंचायतच्या खात्यात जमा झाले. ते‎ लवकरच लाभार्थींच्या खात्यात वर्ग‎ केले जावुन या लाभार्थींचे घरकुलाचे‎ काम पुर्ण होवुन त्यांचे स्वप्न साकार‎ होणार आहे.‎

लाभार्थींचे घराचे स्वप्न लवकरच पूर्ण होईल‎ घरकुल लाभार्थींच्या रखडलेल्या कामासाठी निधी उपलब्ध व्हावा म्हणुन‎ सत्ताधारी गटाच्या सर्व पदाधिकारी, नगरसेवकांनी शासनाकडे मागणी केली‎ होती. त्याची दखल घेवुन शासनाने जो निधी उपलब्ध करून दिला, त्याबद्दल‎ मुख्यमंत्री एकनाथ शिंदे, पालकमंत्री संजय राठोड यांचे आभार मानतो. निधी‎ उपलब्ध झाल्याने लाभार्थींच्या हक्काचे घर लवकरच पूर्ण होईल.‎ - रामराव पाटील नरवाडे, गटनेता, महागाव.‎