नगर परिषद प्रशासनाचे दुर्लक्ष:अंजनगाव येथील सावकारपुऱ्यात सहा‎ फूट खोल नाली; अपघाताचा धोका‎

शहरातील प्रमुख परिसर असलेला‎ सावकारपुरा येथील अंबिका अर्बन‎ पतसंस्थेसमोरील सांडपाणी वाहून‎ नेणारी नाली ६ फुट खोल असून‎ अतिशय अरुंद आहे. चुकीने जर‎ एखाद्या या मार्गावरील वाटसरू वा‎ वाहन चालक या नालीत पडला, तर‎ नक्कीच त्याला मोठ्या प्रमाणात‎ दुखापत झाल्याशिवाय राहणार नाही.‎ पालिका प्रशासनाने याकडे त्वरित लक्ष‎ देऊन जीवघेण्या नालीची समस्या‎ त्वरित निकाली काढावी, अशी मागणी‎ नागरिकांकडून करण्यात येत आहे.‎ शहराची मुख्य बाजारपेठ ही‎ सावकारपुरा परिसरापासूनच सुरू होते.‎ या भागात मुख्य बाजारपेठ‎ असल्यामुळे नागरिकांची नेहमीच‎ वर्दळ असते.

आताच्या नवीन‎ शहराच्या विकासात बऱ्याच नाल्या या‎ बंदिस्त आहेत, परंतु येथील नाही ही‎ बंदिस्त तर नाहीच उलट प्रमाणापेक्षा‎ खोल असून अरुंद आहे. ही नाली फार‎ जुनी आहे. पुर्वी रस्त्याची उंची कमी‎ होती. मात्र दिवसेंदिवस शहर‎ विकासामध्ये रस्त्याची कामे होत‎ गेल्याने त्यांची उंची सतत वाढत‎ राहिली. नाली मात्र जुनीच राहिली.‎ त्यामुळे ती अधिकाधिक खोल व‎ अरुंद होत गेली. खोल ही एवढी झाली‎ एखादा व्यक्ती त्यात पडला, तर‎ त्यांच्या उंचीपेक्षा नक्कीच खोल‎ असल्याने कोणाला दिसणार सुध्दा‎ नाही.

शहरातील प्रमुख मार्गावरील‎ नाली अजूनपर्यंत दुर्लक्षित कशी‎ राहिली, याकडे प्रशासनाचे लक्ष नाही‎ का, असे अनेक प्रश्न नागरिकांना या‎ नालीकडे पाहून भेडसावत आहेत.‎ पालिका प्रशासनाने या नालीकडे लक्ष‎ देण्याची मागणी नागरिकांकडून‎ करण्यात येत आहे.‎ एका व्यक्तीची मोडली होती‎ कंबर : चार ते पाच वर्षांपूर्वी ग्रामीण‎ भागातील एक व्यक्ती नातेवाइकाकडे‎ आला असता, नजर चुकीने या‎ नालीत पडला होता. तेव्हा त्याच्या‎ कंबरेला जबर दुखापत झाली होती.‎

प्रशासनाकडून उपाययोजना आवश्यक‎ हा मार्केट लाईनमधला मार्ग असून या मार्गावर‎ खोल नाली अपघातास कारणीभूत ठरत आहे. येथून‎ बाजारपेठेत खरेदी करण्यासाठी नागरिकांची सतत‎ ये-जा सुरू असते. सोबत लहान मुले सुध्दा असतात.‎ अशा खोल नालीत एकदा लहान मुलगा पडला वा‎ एखादे वाहन अनियंत्रित होवून पडल्यास होणाऱ्या‎ अपघाताला जबाबदार कोण राहील? नगरपालिका‎ प्रशासनाने या नालीच्या समस्येवर उपाययोजना करणे‎ आवश्यक आहे.‎ - आनंद सारडा, सामाजिक कार्यकर्ता‎