अपमानास्पद वागणूक:जिल्ह्यातील कॅफेत होणाऱ्या गैरवर्तन‎ बद्दल सकल मराठा समाजाचे निवेदन‎

जिल्ह्यातील कॅफेमध्ये गैरवर्तन होत‎ असल्याची तक्रार जिल्हाधिकारी‎ यांना देऊन जिल्हा पोलिस‎ अधीक्षकांना भेटण्यासाठी गेलेल्या‎ सकल मराठा समाजाच्या नेत्यांना‎ जिल्हा पोलिस अधीक्षकांनी‎ अपमानास्पद वागणूक दिल्याची‎ घटना आज घडली. हा प्रकार‎ पत्रकारांसमोरच घडला. यावेळी‎ एस पी सारंग आव्हाड यांनी पत्रकार‎ येथे कशासाठी? तुम्हाला शो‎ करायचा का? असा सवाल केला.‎ शहरातील कॅफेवर कॅफेच्या‎ नावाखाली मुला-मुलींचे गैरप्रकार‎ वाढले असून मुलींना मोहपाशात‎ ओढण्यासाठी कॅफेचा वापर होत‎ असल्याचे बाब पुढे आणली.‎ कॅफेमध्ये पलंग व केबिन असल्याचे‎ बाबही त्यांनी निदर्शनास आणून‎ दिली. यासंदर्भात निवेदन देण्यासाठी‎ शिष्टमंडळ गेले असता एस पी‎ सारंग आवाड यांनी भावना समजून‎ घेण्याऐवजी आवाज चढवीत‎ प्रश्नांची सरबत्ती केली.

असा आरोप‎ सकल मराठा समाजाच्या वतीने‎‎‎‎‎‎‎‎‎‎‎‎‎‎‎ केली जात आहे.‎ मराठा समाजाची दुसरी घटना‎ सिंदखेड राजा येथे १२ जानेवारी‎ रोजी जिजाऊ जन्मोत्सव साजरा‎ होतो. येथे पोलिसांना दंगल‎ घडवायची होती. यासाठी जिजाऊ‎ भक्तांना डिवचण्यात आले असा‎ गंभीर आरोप शिवश्री पुरुषोत्तम‎ खेडेकर यांनी यापूर्वीच केला आहे.‎ तर आज सकल मराठा समाजाला‎ उद्धट वागणूक देण्यात आली.‎

शेतकरी नेते रविकांत तुपकर यांच्या‎ आंदोलनादरम्यान शेतकऱ्यांवर‎‎‎‎‎‎‎‎‎‎‎‎‎‎‎ लाठिचार्जची घटना राज्यभर गाजत‎ आहे व आज सकल मराठा व‎ पत्रकारांना दिलेल्या भूमिकेवरून‎ देखील प्रश्नचिन्ह उपस्थित होत‎ आहे. शांत संयमी जिल्ह्यात यामुळे‎ संतप्त भावना आहे. जिल्ह्यात सर्वत्र‎ अवैध धंदे सुरू आहे. कायदा व‎ सुव्यवस्थेचा प्रश्न आहे. मात्र‎ पोलिस अधीक्षक निवेदन‎ देण्यासाठी आलेल्या लोकांनाच‎ प्रश्न विचारू लागले आहे, असेही‎ सकल मराठा समाजाच्या वतीने‎ सांगितले जात आहे.‎