कारवाई‎:देशी पिस्तूल अन् जिवंत‎ काडतुसासह दोघांना पकडले

देशी पिस्तुलासह काडतूस घेऊन दुचाकीने‎ गणवाडी गावाकडे जाणाऱ्या दोन भावांपैकी‎ एका भावास पोलिसांनी ताब्यात घेतले.‎ यावेळी त्याच्या ताब्यातून एक देशी पिस्तुल,‎ तीन जिवंत व दोन वापरलेले काडतूस असा‎ एकुण ४८ हजार ६०० रूपयांचा माल जप्त‎ केला आहे. ही कारवाई शहर पोलिसांनी ५‎ फेब्रुवारी रोजी रात्रीचे सुमारास केली आहे.‎ या प्रकरणातील दुसरा भाऊ पळून जाण्यात‎ यशस्वी झाला असून पोलिस त्याचा शोध‎ घेत आहेत.‎ पोलीस सूत्रानुसार मिळालेल्या‎ माहितीनुसार, दोनजण लाल रंगांच्या‎ स्कुटीवरुन देशी पिस्तूल घेवून गणवाडी‎ गावाकडे जात असल्याची माहिती शहर‎ पोलिसांना मिळाली.

या माहितीवरून‎ पोलिसांनी गणवाडी रोडवरील‎ गुरूद्वाराजवळ सापळा रचला. काही‎ वेळानंतर एका लाल रंगाच्या स्कूटीवर दोन‎ जण मलकापूर कडून गणवाडी गांवाकडे‎ जाताना पोलिसांना दिसून आले. यावेळी‎ पोलिसांनी त्यांना थांबवले असता‎ पोलिसांच्या अभिलेखावरील सराईत गुन्हेगार‎ शेख साबीर शेख अहेमद वय २८‎ रा.सायकलपुरा मलकापूर यास ताब्यात‎ घेतले. तर दुचाकी मागे बसलेला एक जण‎ पळून जाण्यात यशस्वी ठरला. याबाबत‎ पोलिसांनी शेख साबीरला विचारणा केली‎ असता त्याने तो माझा भाऊ शेख तालिब‎ शेख अहमद वय २५ रा. सायकलपुरा‎ मलकापूर असल्याचे सांगितले. पोलिसांनी‎ एम.एच ०३/ ए यु / ७३७२ या क्रमांकाच्या‎ वाहनाची झडती घेतली असता तिच्या‎‎‎‎‎‎‎‎‎‎‎‎‎‎‎‎‎‎ डिकीत एक काळ्या रंगांची देशी पिस्तूल‎ मिळून आली.

तसेच आठ हजार सहाशे‎ रुपये किंमतीचे तीन जिवंत व दोन वापरलेले‎ काडतूस, चाळीस हजार रुपये किंमतीची‎ दुचाकी असा एकूण ४८ हजार ६०० रूपयांचा‎ माल जप्त केला आहे.‎ याप्रकरणी पोलिस कर्मचारी गोपाल‎ तारूळकर यांच्या तक्रारीवरून शहर‎ पोलिसांनी आरोपी शेख साबीर शेख अहेमद‎ वय २८ रा. सायकलपुरा मलकापूर व शेख‎ तालिब शेख अहेमद वय २५ या दोन‎ भावांविरुद्ध आर्म अ‍ॅक्टनुसार गुन्हा दाखल‎ केला आहे. ही कारवाई ठाणेदार अशोक‎ रत्नपारखी यांच्या मार्गदर्शनाखाली पोलिस‎ उपनिरीक्षक ईश्वर सोळंके, पोलिस कर्मचारी‎ शेख आसिफ, प्रमोद राठोड, संतोष‎ कुमावत, ईश्वर वाघ व सलीम बरडे यांनी‎ केली आहे.‎