काँग्रेसमध्ये जल्लोष:बुलडाणा जिल्ह्याला मिळाला‎ पहिलाच पदवीधरचा आमदार‎

तीस तासांच्या मोजणी नंतर अमरावती‎ पदवीधर मतदार संघातून विजयाची माळ‎ धीरज लिंगाडे या बुलडाणा जिल्ह्याच्या‎ नेत्याच्या गळयात पडली. जिल्ह्याला‎ पदवीधर मतदार संघातून प्रथमच काँग्रेसच्या‎ रुपाने एक आमदार मिळाला असून‎ महाविकास आघाडीचीही प्रथमच या‎ विजयाला किनार लाभली आहे.‎ जिल्ह्यातील भाजपला मिळालेला हा मोठा‎ धडा असून काँग्रेसला मात्र पुन्हा अच्छे दिन‎ येण्याची स्वप्न नेत्यांना दिसू लागले आहे.‎

भाजपचे बोट धरुन आलेल्या शिंदे गटाला‎ मात्र या विजयामुळे वचक बसला आहे.‎ मात्र शिंदे गटाचे आ. संजय गायकवाड यांनी‎ रणजीत पाटील यांनाच पराभवासाठी दोषी‎ मानले आहे. ते संपर्कात असते तर दहा‎ पंधरा हजार मते आपल्या कार्यकर्त्यांनी‎ मिळवून दिली असती असे ते म्हणाले.‎ वडील रामभाऊ लिंगाडे काँग्रेसमध्ये‎ स्थानिक स्वराज्य संस्थेत आमदार‎‎‎‎‎‎‎‎‎‎‎‎‎‎ झाल्यानंतर काँग्रेस सोडून शिवसेनेत गेलेले‎ धीरज लिंगाडे हे सुध्दा काँग्रेसमध्ये‎ परतल्यानंतर आमदार झाले आहेत. तर‎ भाजपने दोन टर्म पासून उपरा उमेदवार‎ आणून उभा केला अन् कार्यकर्त्यांनीही‎ त्यालाच निवडून दिले. परंतु, भाजपचेच‎ निष्ठावंत बाजूला सारले गेल्यामुळे भाजप‎ निष्ठावंतांनी यावेळी मतदान न करता‎ भाजपलाच जागा दाखवून दिली.‎

जल्लोष काँग्रेसचा‎ काँग्रेसच्या कार्यकर्त्यांनी जिल्ह्याच्या अनेक‎ ठिकाणी या विजयाचा जल्लोष केला.‎ आ.धीरज लिंगाडे यांच्या घरासमोर अखिल‎ भारतीय काँग्रेस कमिटीचे सचिव हर्षवर्धन‎ सपकाळ यांनी बुलडाण्याला साधा सरळ‎ सात्विक आमदार मिळाला असून भाजपला‎ उतरती कळा लागल्याची प्रतिक्रिया‎ नोंदवली. शहराध्यक्ष दत्ता काकस यांचे‎ नेतृत्वातही जयस्तंभ चौकात फटाके फोडून‎ गुलाल उधळून जल्लोष करण्यात आला.‎