जयंती‎ उत्सव समिती:संत तुकाराम महाराज‎ यांची जयंती साजरी‎

जगद्गुरु श्री संत तुकाराम महाराज‎ यांची जयंती सार्वजनिक जयंती‎ उत्सव समिती, राष्ट्रीय ओबीसी‎ महासंघ तसेच क्रांतीज्योती‎ ब्रिगेडच्या वतीने २ फेब्रुवारीला‎ उत्साहात साजरी करण्यात आली.‎ सायंकाळी ६ वाजता श्री संत‎ तुकाराम महाराज चौकापासून‎ गाथा प्रदक्षिणा करण्यात आली. हा‎ दिंडी सोहळा श्री संत सावता‎ महाराज चौक, हनुमान नगर,‎ एकडे लेआउट, नागलकर ले‎ आउट, बस स्थानक, सोनज‎ रोडमार्गे परत संत तुकाराम‎ महाराज चौकात जगद्गुरु श्री संत‎ तुकाराम महाराज यांच्या गाथा‎ प्रदक्षिणा व दिंडी सोहळ्याचा‎ समारोप करण्यात आला. त्यानंतर‎ सायंकाळी साडे सात वाजता‎ जगद्गुरु संत तुकाराम महाराज‎ प्रतिमा पूजन व प्रबोधन करण्यात‎ आले.

कार्यक्रमाच्या अध्यक्षस्थानी‎ जयंती उत्सव समितीचे अध्यक्ष‎ ज्ञानदेवराव पांडव होते. या वेळी‎ नेत्रचिकित्सक डॉ. शरद पाटील यांनी‎ जगद्गुरुंच्या क्रांतिकारी विचारांना‎ जनसामान्यात रुजवून ते विचार जागृत‎ केले पाहिजे, असे सांगीतले. त्यानंतर‎ मधुकर महाराज इंगळे यांनी‎ तुकोबांच्या अध्यात्मिक जनजागृती‎ निर्माण करणाऱ्या कार्याबद्दल प्रबोधन‎ केले. कार्यक्रमाचे प्रास्ताविक संतोष‎ सातव यांनी केले, तर सूत्रसंचालन‎ दीपक फाळके यांनी केले. युवा सचिव‎ योगेश डांगे यांनी अाभार मानले.‎ कार्यक्रमासाठी श्री जगद्गुरु संत‎ तुकाराम महाराज व सर्व संत महात्मा‎ जयंती उत्सव समिती, राष्ट्रीय ओबीसी‎ महासंघ व क्रांतीज्योती ब्रिगेडच्या‎ पदाधिकाऱ्यांनी परिश्रम घेतले. रात्री‎ साडेआठ वाजता महाआरती करून‎ महाप्रसादाचे वितरण केले. याप्रसंगी‎ शहरासह व परिसरातील महिला व‎ पुरुष मोठ्या संख्येने उपस्थित होते.‎