शेतकऱ्यांच्या बँकेत फेऱ्या:विम्याचा लाभ दिल्याचा दावा,‎ मात्र शेतकऱ्यांच्या पदरी निराशा‎

तालुक्यातील हजारो शेतकऱ्यांना विमा रकमेचा‎ लाभ दिल्याचा दावा विमा कंपनीकडून केला‎ जात असला तरी प्रत्यक्षात अनेकांना अपेक्षेप्रमाणे ‎ ‎ रक्कम पदरात पडली नाही. तर अनेक‎ शेतकऱ्यांच्या खात्यात विम्याची रक्कमच जमा‎ झाली नाही. त्यामुळे विमा रकमेबाबत‎ शेतकऱ्यांचा संभ्रम कायम असल्याचे दिसते .‎ यावर्षी तालुक्यातील हजारो शेतकऱ्यांनी पीक विमा भरला होता. यामध्ये सुमारे ३५ हजार ‎ ‎ शेतकऱ्यांचा समावेश असून, त्यांनी ३० हजार‎ २५८ हेक्टर क्षेत्र विमा संरक्षित केले होते.

त्यानुसार ‎विमा कंपनीने यावर्षी शेतकऱ्यांच्या खात्यात‎ रक्कम जमा केली असे सांगण्यात येत आहे.‎ प्रत्यक्षात मात्र ज्या शेतकऱ्यांनी राष्ट्रीयकृत‎ बँकेचा खाते क्रमांक दिला आहे, त्यांच्या‎ खात्यात अगदी तुटपुंजी रक्कम जमा आहे. इतर‎ बँकांमध्ये खाते असलेल्या शेतकऱ्यांना मात्र‎ कोणतीही रक्कम मिळाली नाही. विम्यासाठी‎ शेतकरी बँकेत फेऱ्या मारत आहेत. मात्र, त्यांच्या‎ खात्यात रक्कम जमा झाली नसल्याचे बँक‎ कर्मचाऱ्यांकडून सांिगतले जात आहे. त्यातच‎ पीक विमा कंपनीही विमा वितरणाबाबत‎ कोणतीही कागदपत्रे उपलब्ध करून देत नाही. या‎ प्रकारामुळे शेतकरी अडचणीत आले आहेत.‎

प्रशासनाकडून दुर्लक्षित : तालुक्यातील‎ शेतकऱ्यांच्या पीक विम्यासंदर्भात माहिती दिली‎ जात नसल्याने शिवसंग्राम संघटना आक्रमक‎ झाली होती. संघटनेने जिल्हाधिकाऱ्यांना‎ निवेदन देऊनही विमा कंपनीवर कारवाई‎ ‎करण्यात आली नाही. तसेच शिवसेना उद्धव‎ बाळासाहेब ठाकरे गटाचे तालुका प्रमुख‎ दादाराव खार्डे यांनी तहसीलदारांना निवेदन‎ दिले होते. त्यानंतर निवासी नायब तहसीलदार,‎ तालुका कृषी अधिकारी, विमा कंपनीचे‎ अधिकारी, राष्ट्रीयकृत बँकेचे अधिकारी आणि‎ शेतकऱ्यांच्या उपस्थितीत बैठक झाली.‎ त्यावेळी विमा कंपनीच्या अधिकाऱ्यांनी आठ‎ दिवसांत रक्कम देणार असल्याचे सांिगतले‎ होते. मात्र, रक्कम देण्यात आली नाही. त्यामुळे‎ प्रशासनाचे दुर्लक्ष होत असल्याच्या प्रतिक्रिया‎ उमटत आहेत. राज्य शासनाने दखल घेऊन‎ मदत करावी, अशी अपेक्षा शेतकऱ्यांकडून‎ व्यक्त होत आहे.‎

आंदोलन करणार‎
पीक विमा वेळेवर मिळत नसल्याने‎ शेतकऱ्यांचे मोठे नुकसान होत आहे.‎ शिवसंग्राम संघटनेने शेतकऱ्यांना तत्काळ‎ विमा देण्याची मागणीही केली आहे.‎ शेतकऱ्यांच्या न्याय हक्कांसाठी आंदोलन‎ करण्यात येईल.‎ - राजेश इंगळे, तालुकाध्यक्ष, शिवसंग्राम‎ संघटना, देऊळगावराजा‎