अटक:दिल्लीत निदर्शने करणाऱ्या काँग्रेस पदाधिकाऱ्यांना अटक ; केंद्र शासनाच्या विरुद्ध घोषणा

ईडीच्या कारवाई निषेधार्थ दिल्लीत निदर्शने करणाऱ्या बुलडाण्यातील काँग्रेस पदाधिकाऱ्यांना आज १५ जून रोजी अटक करण्यात आली. नवी दिल्ली येथील काँग्रेस कमिटीच्या कार्यालयासमोर राहुल गांधी यांना इडीने व मोदी शासनाने गैरप्रकार चौकशीसाठी बोलावले. त्यांना तीन दिवसांपासून त्रास देत असल्याचा काँग्रेस कार्यकर्त्यांनी आरोप केला आहे. राहुल गांधी यांच्यावरील कारवाई विरोधात संपूर्ण देशात व दिल्लीत जनआक्रोश उसळला असून मोठ्या प्रमाणात केंद्र शासनाच्या विरुद्ध घोषणा देऊन व निषेध करण्यात आला. या आंदोलनात बुलडाणा जिल्ह्यातील माजी जिल्हाध्यक्ष लक्ष्मणराव घुमरे, तालुकाध्यक्ष देवानंद पवार यांनी सहभाग घेतल्यामुळे त्यांना दिल्ली पोलिसांनी अटक करून नरेला या पोलिस ठाण्यात ठेवले आहे.