दिव्य मराठी विशेष:जाळीचा देव यात्रेत भाविकांची गर्दी‎

श्री क्षेत्र जाळीचा देव यात्रेला ४‎ फेब्रुवारीपासून सुरुवात झाली‎ असून रविवार, ५ फेब्रुवारीला माघ‎ पौर्णिमा असल्याने हा दिवस‎ यात्रेसाठी महत्त्वाचा ठरणार आहे.‎ या यात्रेकरिता परराज्यातूनही‎ भाविक येत असतात.‎ बुलडाण्यापासून २५ किमी.‎ अंतरावर तर जालना जिल्ह्यातील‎ भाेकरदन तालुक्यात जाळीचा‎ देवची यात्रा भरते. त्यामुळे‎ यात्रेदरम्यान व्यवस्थापन‎ करण्यासाठी जालना जिल्हा‎ परिषद प्रशासन कमी पडत असते.‎

तर बुलडाणा पंचायत समितीकडून‎ मढ या तालुक्यातील सीमेपर्यंत‎‎‎‎‎‎‎‎‎‎‎‎‎ यात्रेचे व्यवस्थापन करण्यात येते.‎ या यात्रेसोबतच लगतच्या श्री‎ चक्रधर स्वामी चरणांकित‎ स्थानांनाही यात्रेचे स्वरुप येते.‎ नऊशे वर्षांपूर्वी महानुभाव‎ पंथाचे संस्थापक अध्यक्ष सर्वज्ञ‎‎‎‎‎‎‎‎‎‎‎‎‎ श्री चक्रधर स्वामी यांनी बुलडाणा‎ जिल्ह्यात अनेक ठिकाणी पदभ्रमण‎ केले. त्यावेळी त्यांनी सनातनी‎ धर्माविरुद्ध महिलांच्या शिक्षण व‎ स्वातंत्र्यासाठी अनेकांना मार्गदर्शन‎ केले. जळगाव खान्देश‎‎‎‎‎‎‎‎‎‎‎‎‎ परिसरातही भ्रमण करत असताना‎ श्री चक्रधर स्वामी चांगदेव हरताळ‎ या भागातून श्री क्षेत्र सावळेद्वार‎ येथे आले होते. तेथून जाळीचा देव‎ येथे अजिंठा पर्वत रांगा चढून‎ आले होते.

एसटीची चाके रुतली‎ बुलडाणा जिल्ह्यातील विभागीय पातळीवर बसेसची संख्या कमी झाली‎ आहे. दोन वर्षांपूर्वी कोरोना होता. त्यामुळे यात्रा भरली नव्हती. मात्र‎ गतवर्षीपासून यात्रा सुरू झाली आहे. त्यावेळीही यात्रेसाठी एसटीकडे‎ बसेस उपलब्ध नव्हत्या. आताही बसेस कमी झाल्याने यात्रा महोत्सवावर‎ खासगी बसशिवाय पर्याय उरला नाही. बुलडाणा येथून जाळीचा देवला‎ जाण्यासाठी प्रमुख मार्ग अमरावती, नागपूर, अकोला, यवतमाळ, भंडारा,‎ चंद्रपूर, गोंदिया यासह विविध भागातून भाविकांच्या गाड्या येत‎ असल्याने त्यांचा परिणाम उलाढालीवरही पडत आहे.‎