निवेदन:खराब झालेले विद्युत खांब, लोंबकळलेल्या‎ तारा त्वरित दुरुस्त करण्याची मागणी‎

येथील छत्रपती शिवाजी महाराज‎ नगर, नवाफैल, जुनाफैल,‎ सतीफैल, मस्तान चौक, बर्डे प्लॉट‎ या भागातील अनेक विद्युत खांब‎ खराब झाले आहेत. बऱ्याच‎ ठिकाणी विद्युत तारा‎ लोंबकळलेल्या आहेत. यामुळे ‎ ‎ एखाद्यावेळी दुर्घटना होवून जीवित ‎ ‎ हानी होवू शकते. तरी या भागातील ‎ ‎ खराब झालेले विद्युत खांब त्वरित ‎ ‎ बदलण्यात यावे तसेच‎ लोंबकळलेल्या विद्युत तारा दुरुस्त ‎ ‎ करण्यात याव्या, अशी मागणी माजी‎ नगरसेवक प्रवीण कदम यांनी केली‎ आहे.‎ याबाबत त्यांनी वीज वितरणच्या‎ कार्यकारी अभियंत्यांना निवेदन दिले‎ असून त्यात नमूद आहे की,‎ शुक्रवार, दि.७ एप्रिल रोजी‎ झालेल्या जोरदार पाऊस व‎ वाऱ्यामुळे ओंकारेश्वर स्मशानभूमी‎ कॉर्नर जवळील विद्युत खांब‎ रस्त्यावर पडल्यामुळे या भागातील‎ नागरिकांमध्ये भितीचे वातावरण‎ निर्माण झाले आहे.

या खांबांकरिता‎ मागील ४ ते ५ महिन्यांपासून अनेक‎ वेळा संबंधीत विभागाला सूचना‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ दिलेल्या होत. परंतु या बाबीकडे‎ दुर्लक्ष करण्यात येत आहे. त्या‎ ठिकाणी काही जीवितहानी झाली‎ नाही, जीवावर बेतणाऱ्या अशा दोन‎ ते तीन घटना आतापर्यंत या‎ परिसरात झालेल्या आहेत. काही‎ जीवितहानी झाल्यावरच आपण‎ दखल घेणार का असा प्रश्न‎ उपस्थित होत आहे.‎ श्री. छत्रपती शिवाजी महाराज नगर‎ नवा फैल व जुना फैल सतीफैल,‎ मस्तान चौक व बर्डे प्लॉट हा भाग‎ स्लम एरियामध्ये येत असून या‎ भागातील अनेक जुने वीज खांब‎ खालून सडले असून ते पडण्याच्या‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ अवस्थेत आहेत.

अनेक विद्युत तारा‎ या नागरिकांच्या घराला लागून‎ आहेत.‎ काही गल्ल्यांमध्ये लोंबकळलेल्या‎ अवस्थेत आहेत. तरी लवकरात‎ लवकर या भागातील सर्व्हे करून‎ जी कामे अत्यंत तातडीने‎ करावयाची आहेत ती कामे‎ लवकरात लवकर करून द्यावी.‎ अन्यथा लोकशाही मार्गांचा अवलंब‎ करावा लागेल. अन्यथा काही‎ अनुचित घटना झाल्यास त्याची‎ जबाबदारी संबंधीत विभागाची‎ राहील असा इशाराही कदम यांनी‎ निवेदना अंती दिला आहे.‎