पायी दिंडी‎:गण गण गणात बोतेच्या गजरात‎ निघाली झाडेगाव ते शेगाव पायी दिंडी‎

श्री गजानन महाराज प्रगट दिन‎ उत्सवानिमित्त श्री संत गजानन‎ महाराजांच्या दर्शन घेण्यासाठी‎ झाडेगाव ते शेगाव पायदळ दिंडी‎ निघाली आहे. या दिंडीत साडे‎ तीनशे भाविक सहभागी झाले‎ आहे. त्यामध्ये दोनशे भाविक‎ महिला व दिडशे भाविक पुरुषाचा‎ समावेश आहे.‎ गण गण गणात बोते टाळ मृदुंग‎ विना व अभंगांच्या गजरात संपूर्ण‎ वातावरण भक्तिमय झाले होते.‎

गावातील लहान मुले पताका‎ घेऊन श्री संत गजानन महाराज‎ यांच्या चरणी नतमस्तक झाले.‎ गावात वारकरी संप्रदायाचा पाया‎ जोपासला जावा व गावातील‎ मुलांना सांप्रदायाची ओढ लागावी,‎ यासाठी लहान मुलांना दिंडीच्या‎‎‎‎‎‎‎‎‎‎‎‎‎‎‎‎ सहवासात घेतले. झाडेगाव शेगाव‎ पायदळ दिंडी वारीचे हे २६ वे वर्ष‎ आहे. भाविक महिलांच्या‎ डोक्यावरील तुळसाबाई व कळस‎ आणि दिंडीला शिस्त‎ लावण्यासाठी चोपदार हे लक्ष‎‎‎‎‎‎‎‎‎‎‎‎‎‎‎‎ वेधून घेत होते. श्री छत्रपती‎ शिवाजी महाराज चौक व श्री संत‎ गजानन महाराज मंदिर परिसरा‎ पर्यंत भाविकांनी पावल्या‎ खेळल्या. त्यामुळे ही दिंडी‎ भाविकांचे लक्ष वेधून घेत होती.‎