गुन्हेवृत्त:जि. प. शाळेतील कुलूप तोडून दोन संगणक संच चोरट्यांनी केले लंपास; किनगाव पोलीस स्टेशनच्या दोन कर्मचाऱ्यांनी शाळेला भेट देऊन पाहणी

येथील जिल्हा परिषद शाळेतील दोन संगणक संच अज्ञात चोरट्यांनी लंपास केल्याचे घटना २७ जून रोजी उघडकीस आले आहे. मराठी प्राथमिक शाळा दुसरबीड येथे मुख्याध्यापक आणि सर्व शिक्षक आपल्या शाळेच्या वेळेत हजर झाले. शाळेच्या कार्यालयाच्या शेजारी असलेली संगणक रूम उघडल्या गेली. मात्र शाळेला सुट्टी लागल्यानंतर बंद असलेली खोलीचे कुलूप तोडून चोरट्यांनी यामधील दोन संगणक लंपास केल्याचे समोर आले.

मुख्याध्यापक गाडगे यांनी हे संगणक शनिवारी दुपारी चोरीस गेले असावे, असा अंदाज व्यक्‍त केला आहे. तसेच त्यांनी तक्रार करण्यासाठी किनगाव राजा पोलिस स्टेशन गाठले असता त्यांना संगणकाचे बिल मागण्यात आले. मात्र, शासनाकडूनच बिल मिळाले नसल्याने ते उपलब्ध करू शकले नाहीत. त्यामुळे, पोलिसांनी याविषयी तक्रारही घेतली नसल्याचे समोर आले आहे. किनगाव पोलीस स्टेशनच्या दोन कर्मचाऱ्यांनी शाळेला भेट देऊन पाहणी केली.