​​​​​​​वाशीमच्या नारिशक्ती जागृती फाउंडेशनचा उपक्रम‎:महिला दिनानिमित्त बिबे फोडणाऱ्या‎ महिलांना ग्लोज, मास्कचे वितरण‎

सहयोग फाउंडेशन व नारिशक्ती जागृती‎ फाउंडेशन यांच्या संयुक्त विद्यमाने‎ जागतिक महिला दिनाचे औचित्य साधून‎ मालेगाव तालुक्यातील बिबे फोडणाऱ्या‎ महिलांच्या घरी जाऊन मास्क व ग्लोजचे‎ वितरण करण्यात आले. हा सामाजिक‎ उपक्रम फाउंडेशनच्या संस्थापक अध्यक्ष‎ प्रा. संगीता इंगोले यांच्या पुढाकारातून‎ राबवण्यात आला. यावेळी डॉ. नीलिमा‎ चव्हाण, सोनाली गर्जे, डॉ. अर्चना डाळे,‎ पूनम लढ्ढा, अमरजीत कौर, अनुपमा‎ मानधणे, श्वेता बडजात्या आदींची‎ उपस्थिती होती.‎ मालेगाव तालुक्यातील अमानी येथील‎ बहुतांश महिला गोडंबी बनवण्यासाठी बिबे‎ फोडण्याचे काम करतात. या कामामुळे‎ त्यांच्या हाताला आणि चेहऱ्याला जखमा‎ होतात.‎ त्यामुळे सामाजिक बांधिलकी जोपासत‎ प्रा. संगीता इंगोले यांनी बिबे फोडणाऱ्या‎ महिलांना कापडी रुमाल, मास्क व ग्लोजचे‎ वितरण केले.‎