10 ते 14 फेब्रुवारी महोत्सव‎:जिल्हास्तरीय कृषी महोत्सवास‎ शुक्रवारपासून बुलडाणा येथे सुरूवात‎

स्वातंत्र्याच्या अमृत महोत्सवा‎ निमित्त शासन, कृषि विभाग, कृषी‎ तंत्रज्ञान व्यवस्थापन यंत्रणा‎ विभागाच्या वतीने जिजामाता‎ प्रेक्षागार येथे १० ते १४ फेब्रुवारी पर्यंत‎ जिल्हास्तरीय कृषि महोत्सवाचे‎ आयोजन करण्यात आले आहे.‎ कृषी महोत्सवाचे उद्घाटन‎ पालकमंत्री गुलाबराव पाटील यांच्या‎ हस्ते होणार आहे. यावेळी खासदार‎ प्रतापराव जाधव, रक्षा खडसे, डॉ.‎ पंजाबराव देशमुख कृषि विद्यापीठाचे‎ कुलगुरू शरद गडाख, आमदार‎ ॲड. किरण सरनाईक, वसंत‎ खंडेलवाल, आ.धीरज लिंगाडे,‎ राजेंद्र शिंगणे, डॉ. संजय कुटे,‎ संजय रायमुलकर, ॲड. आकाश‎ फुंडकर, संजय गायकवाड, श्वेता‎ महाले, राजेश एकडे,‎ जिल्हाधिकारी डॉ. ह. पी. तुम्मोड,‎ मुख्य कार्यकारी अधिकारी भाग्यश्री‎ विसपुते, जिल्हा पोलिस अधीक्षक‎ सारंग आवाड, विभागीय कृषि‎ सहसंचालक किसन मुळे उपस्थित‎ राहणार आहेत. कृषी विद्यापीठाच्या‎ वतीने संशोधन आणि तंत्रज्ञान‎ शेतकऱ्यांपर्यंत पोहोचवण्यासाठी‎ कृषी विभागाने पुढाकार घेत‎ जिल्हास्तरीय कृषि महोत्सवाचे‎ आयोजन करण्यात आले आहे.‎ रब्बीचा हंगाम उत्तरार्धात‎ आल्यानंतर शेतकऱ्यांना नवनवीन‎ तंत्रज्ञान पाहण्यासाठी वेळ मिळतो.‎

त्यामुळे या कृषी महोत्सवाबद्दल‎ शेतकऱ्यांमध्ये उत्सुकता असते.‎ महोत्सवातील प्रात्यक्षिकांमध्ये राज्य‎ तसेच जिल्ह्यातील विविध प्रयोग‎ सादर करण्यात येणार आहेत.‎ त्यामध्ये उत्पादनक्षम शेती,‎ एकात्मिक पीक व्यवस्थापन‎ एकात्मिक कीटक व्यवस्थापन,‎ एकात्मिक शेती व्यवस्थापन, सेंद्रिय‎ आणि रासायनिक शेतीची प्रात्यक्षिके‎ विद्यापीठाकडून सादर केली जाणार‎ आहेत. तसेच कापूस, सोयाबीन‎ आणि इतर तेलबियांच्या व्हॅल्यू चेन‎ डेव्हलपमेंट बाबतचे संशोधन,‎ नवीन वाणाचे संशोधन, बदलेले‎ वातावरण, पर्जन्य आणि उष्णता‎ बदलाचा वेध घेऊन करण्यात येत‎ असलेल्या संशोधनाचे सादरीकरण‎ या महोत्सवात करण्यात येणार आहे.‎