एसटीची व्यथा:बस कमी झाल्याने जिल्ह्यातील‎ फेऱ्यांचे वेळापत्रक बिघडले‎

बुलडाणा विभागातील सात‎ आगारात २०१९ पासून एकही नवीन‎ बस आली नाही. मात्र ७५ बस कमी‎ झाल्या आहेत. यातील ३४ बस‎ माल वाहतुकीसाठी वापरण्यात येत‎ आहे. १९ बसेस शिवशाही आहेत.‎ याचा परिणाम राज्य परिवहन‎ महामंडळाच्या उत्पन्नावर झाला‎ असून अनेक बस फेऱ्या कमी‎ झाल्या आहेत. तेरा लाख सात‎ हजार ४८३ प्रवाशांनी विविध‎ सवलतींचा लाभ घेतला असून‎ त्याची प्रतिपूर्तीची रक्कम सात‎ कोटी ८६ लाख ५४ हजार ८४४‎ इतकी झाली आहे.

तीन वर्षांच्या‎ तुलनेत सध्या जवळपास पाच‎ हजार किलोमीटर एस.टी. कमी‎ धावत असल्याची आकडेवारी‎ सांगत आहे.‎ सध्या अमृत ज्येष्ठ नागरिक‎ प्रवास सवलत योजना सुरु केल्याने‎ त्याचा लाभ घेणाऱ्या ज्येष्ठ‎ नागरिकांची संख्या वाढली आहे.‎ मोफत प्रवासाअंतर्गत सहा लाख २४‎ हजार ७६७ लाभार्थीनी प्रवास केला‎ आहे. त्याची प्रतिपूर्ती रक्कम दोन कोटी‎ ७१ लाख ५९ हजार ९०२ इतकी आहे.‎ सर्वच सवलती लक्षात घेतल्या तर‎ एस.टी.ची चाके या सवलतीच्या‎ ओझ्याखाली दबल्या सारखी वाटतात.‎

कारण ही सवलतीची रक्कम‎ प्रतिपूर्तीच्या रुपात शासनाकडून‎ तत्काळ मिळणे कठीणच आहे.‎ जिल्ह्यातील सातही आगार मिळून ४२१‎ बस आहेत. त्यातील ७५ बस कमी‎ करण्यात आल्या आहेत. यामध्ये ३४‎ माल वाहतुकीसाठी उपयोगात आणला‎ जात आहे. तर ४० बस भंगारात‎ काढण्यात आल्या आहेत.‎ शिक्षणासाठी सवलतीची प्रतिपूर्ती ९९‎ लाख अहिल्याबाई होळकर‎ योजनेंतर्गत इयत्ता ९ वी ते बारावी‎ पर्यंतच्या विद्यार्थिनींचा मोफत प्रवास‎ आहे. २० हजार ३८९ इतक्या‎ विद्यार्थिनींनी या शिक्षणासाठी या‎ प्रवास सवलतींचा लाभ घेतला.‎

तीन लोक प्रतिनिधींचे‎ मोफत प्रवास
‎पत्रकार छायाचित्रकार फक्त १५९‎ पत्रकारांनी प्रवास केला त्याची १४‎ हजार ३३० प्रतिपूर्ती रक्कम, ३२‎ स्वातंत्र्य सैनिकांचे प्रवास,‎ डॉ.बाबासाहेब आंबेडकर‎ समाजभूषण पुरस्कार प्राप्त ७१,‎ आदिवासी सेवक पुरस्कार प्राप्त ८,‎ लोकशाहीर अण्णाभाऊ साठे‎ पुरस्कार प्राप्त ६७, शिवछत्रपती,‎ दादोजी कोंडदेव, द्रोणाचार्य, अर्जुन‎ पुरस्कार प्राप्त ७०, अपंग गुणवंत‎ कामगार पुरस्कार प्राप्त १४, महात्मा‎ गांधी व्यसनमुक्त पुरस्कार प्राप्त‎ ४२, दुर्धर आजार ३५६,‎ सिकलसेल १२२, हिमोफेलिया ३३,‎ असे मोफत लाभार्थींची प्रतिपूर्ती‎ रक्कम तीन लाख २५ हजार ३५१‎ इतकी आहे. यामध्ये प्रवास‎ योजनेचा लाभ फक्त तीनच लोक‎ प्रतिनिधींनी घेतला असून त्याची‎ प्रतिपूर्ती रक्कम फक्त १३७ रुपये‎ इतकी आहे.‎

ज्येष्ठ नागरिकांवर एक कोटी‎
विविध प्रकारच्या सवलती शासनाने लागू केल्या असून ज्येष्ठ नागरिक हा‎ त्यातील एक घटक आहे. ज्येष्ठ नागरिकांच्या प्रवासाचा अहवाल बघितला‎ असता पाच लाख ४७४ ज्येष्ठ नागरिकांनी प्रवास केला आहे. त्याची प्रतिपूर्तीची‎ रक्कम एक कोटी १४ लाख ८१ हजार २६२ इतकी आहे. त्या खालोखाल एक‎ लाख आठ हजार १५३ अंध व्यक्तींनी केलेल्या प्रवासाची ४२ लाख ९३ हजार‎ ४८० एवढी प्रतिपूर्तीची रक्कम आहे. तर अंध व्यक्तीसोबत राहणाऱ्या ४४६‎ साथीदाराची प्रतिपूर्ती रक्कम ७४३०६ इतकी आहे.‎