कामांचे भूमिपूजन व लोकार्पण‎:आर्थिक उन्नती होत असल्याने भविष्यात‎ शेतकरी आत्महत्या करणार नाही‎

बुलडाणा विधानसभा क्षेत्रातील‎ शेतकऱ्यांच्या शेत जमिनीचे कुठल्याही‎ प्रकारचे नुकसान न करता ती जमीन‎ सिंचनाखाली येत आहे. त्यामुळे‎ शेतकऱ्यांची मोठ्या प्रमाणात आर्थिक‎ उन्नती होणार असून भविष्यात या‎ भागातील कोणताही शेतकरी आत्महत्या‎ करणार नाही, तसेच टप्प्याटप्प्याने‎ बंधाऱ्यांचे बांधकाम होणार असल्याचे‎ प्रतिपादन आमदार संजय गायकवाड‎ यांनी केले आहे.‎ मोताळा तालुक्यातील वेगवेगळ्या‎ गावांमध्ये जवळपास २३ कोटी ८० लाख‎ रुपये खर्चून सिमेंट साठवण बंधारा‎ बांधकाम करण्याचा लोकार्पण व‎ भूमिपूजन सोहळा आ. संजय‎ गायकवाड यांच्या हस्ते २ एप्रिल रोजी‎ पार पडला.

बुलडाणा विधानसभा‎ मतदार संघाचे आ.संजय गायकवाड‎ यांनी विकास कामाचा झंझावात सुरू‎ केला असून मतदार संघामध्ये‎ विकासाचे नवीन पर्व सुरू झाले आहे.‎ यावेळी आ. गायकवाड म्हणाले की,‎ टप्प्याटप्प्याने बंधाऱ्यांचे बांधकाम होणार‎ असून पहिल्या टप्प्यामध्ये १९ बंधाऱ्याचे‎ बांधकाम होणार आहे,‎‎‎‎‎‎‎‎‎‎‎‎‎ दुसऱ्या टप्प्यामध्ये ३५ बंधाऱ्याचे‎ बांधकाम तर तिसऱ्या टप्प्यामध्ये छोटे‎ धरण व पाझर तलावासह जवळपास‎ ११० बंधाऱ्यांचे बांधकाम करून‎ तालुक्यामधील कुठल्याही शेत जमिनीचे‎ नुकसान न करता जवळपास १६०‎ किलोमीटर परिसरामध्ये पाणी साठवण‎ करणार असल्याचे त्यांनी सांगितले.‎

तालुक्यातील भूमिपूजन व लोकार्पण‎ झालेल्या कामांमध्ये खडकी येथे ५०‎ लाख रुपये, खैरखेड येथे १ कोटी रुपये,‎ मोहेगाव येथे १ कोटी रुपये, राजूर येथे १‎ कोटी रुपये, कोथळी येथे ३ कोटी ५०‎ लाख रुपये, गिरोली येथे १ कोटी रुपये,‎ टाकळी ९० लाख रुपये, रोहिणखेड १‎ कोटी रुपये राहेरा ८० लाख रुपये‎‎‎‎‎‎‎‎‎‎‎‎‎ उबालखेड ९० लाख रुपये, चावर्दा १‎ कोटी रुपये, शेलगाव बाजार येथे १ कोटी‎ रुपये, तसेच बोराखडी येथे १ कोटी रुपये‎ या ठिकाणी द्वारयुक्त सिमेंट साठवण‎ बंधारा बांधकाम करणे तर तालखेड व‎ महालपिंप्री येथे १ कोटी ८० लक्ष रुपयाची‎ पाणीपुरवठा योजना पुनर्जोडणी व ३‎ कोटी १५ लाख रुपयाची पाणीपुरवठा‎ योजना कामांचा समावेश आहे‎ यावेळी आ. संजय गायकवाड‎ यांच्यासोबत शिवसेना-भाजप युतीचे‎ कार्यकर्ते, पदाधिकारी विविध गावांचे‎ सरपंच, उपसरपंच ग्रामपंचायत सदस्य‎ तथा विविध आघाड्यांचे पदाधिकारी‎ मोठ्या संख्येने या कार्यक्रमाला उपस्थित‎ होते.‎