चालकाला झोप लागल्याने दुसरबीड जवळ घडली दुर्घटना‎:समृद्धी महामार्गावर कार अपघातात चौघे जखमी‎

पुण्याहून अमरावतीकडे जाणारी एक कार‎ क्रमांक एमएच २७ बीव्ही ९२४२ च्या‎ चालकाला झोप लागल्याने महामार्गाच्या‎ मधोमध उलटली. यामध्ये दोघे गंभीर जखमी,‎ तर अन्य दोघांना किरकोळ दुखापत झाली. हा‎ अपघातशुक्रवारी पहाटे समृद्धी महामार्गावर‎ घडला.‎ आज पहाटे चारच्या सुमारास‎ अमरावती येथील रोहित महाले ( २९),‎ तेजस बिलेवार (३ ०) व प्रसन्नजीत‎ कांबळे ( २२) कारने पुण्याहून‎ अमरावतीकडे जात होते. या दरम्यान‎ समृद्धी महामार्गाच्या चॅनल क्रमांक ३१९.९‎ जवळ चालक सुयोग धामडे ( २८) याला‎ झोप लागली. त्यामुळे कार अनियंत्रित‎ होऊन महामार्गाच्या मधोमध उलटली. या‎ अपघातात तेजस बिलेवार व प्रसन्नजीत‎ कांबळे गंभीररीत्या जखमी झाले. चालक‎ सुयोग धामडे आणि रोहित महाले हे दोघे‎ किरकोळ जखमी झाले.

अपघात एवढा‎ भीषण होता की, यामध्ये कारचे पूर्णपणे‎ नुकसान झाले. मात्र, एअर बॅग‎ असल्यामुळे प्राणहानी टळली.‎‎‎‎‎‎‎‎‎‎‎‎‎‎‎‎‎‎‎‎‎ अपघाताची माहिती मिळताच महामार्ग‎ पोलिस दलाचे उपनिरीक्षक शैलेश पवार,‎ नायक पोलिस काँस्टेबल विठ्ठल काळुसे,‎ रोशन शेख, चंद्रशेखर उबाळे, रमेश‎ काळे, क्यूआरव्ही वाहनाचे प्रदीप श्रीरामे,‎‎‎‎‎‎‎‎‎‎‎‎‎‎‎‎‎‎‎‎‎ कैलास आघाव, अनुदीप पवार, उमेश‎ चव्हाण घटनास्थळी दाखल झाले.‎ जखमींना कारबाहेर काढून त्यांना‎ उपचारासाठी तातडीने बिबी येथील ग्रामीण‎ रुग्णालयात हलवण्यात आले.‎

चालक, प्रवाशांसाठी ''समृद्धी''वर सुरक्षिततेचे प्रबोधन‎ महामार्ग पोलिस विभागाचे निरीक्षक गणेश गिरी आणि सहायक पोलिस निरीक्षक संदीप‎ इंगळे यांच्या मार्गदर्शनात समृध्दी महामार्गावर दररोज सुरक्षिततेबाबत प्रबोधन केले जात‎ आहे. पेट्रोल पंप, टोल नाक्यांवर थांबलेल्या चालक व प्रवाशांना यावेळी रस्ते अपघात‎ टाळण्याचे व सुरक्षितता बाळगण्याचे आवाहन केले जात आहे. वाहनचालक व प्रवाशांनी‎ कारमध्ये प्रवास करताना सीट बेल्टचा वापर करावा. वाहन शंभर ते दीडशे किलोमीटर‎ चालवल्यावर किमान पाच मिनिटे विश्रांती घ्यावी, असे आवाहन अधिकारी,‎ कर्मचाऱ्यांकडून केले जात आहे.‎