लाभ:मोफत प्रवास योजना; 2 लाख‎ ज्येष्ठ नागरिकांनी घेतला लाभ‎

‎ वयाची ७५ वर्ष पूर्ण केलेल्या ज्येष्ठ‎ नागरिकांना राज्य परिवहन‎ महामंडळाच्या बसमध्ये मोफत‎ प्रवास या योजनेचा खामगाव‎ आगारातून सुटणाऱ्या बसमधून‎ डिसेंबर २०२२ ते फेब्रुवारी २०२३ या‎ तीन महिन्याचा कालावधीत २ लाख‎ ३ हजाराच्यावर प्रवाशांनी लाभ‎ घेतला आहे. विशेष म्हणजे फेब्रुवारी‎ महिन्यात सर्वात जास्त ७१ हजार‎ ८८५ प्रवाशांनी या योजनेचा फायदा‎ घेतल्याची माहिती आगार प्रमुख‎ संदीप पवार यांनी दिली.‎ राज्य परिवहन महामंडळाच्या‎ बसमधील प्रवास हा सुरक्षीत प्रवास‎ मानला जातो.

त्यामुळे अनेक‎ नागरिक खासगी, ट्रॅव्हल्स वाहनातून‎ प्रवास करण्या ऐवजी बसच्या‎ प्रवासाला प्राधान्य देतात. राज्य‎ परिवहन महामंडळा तर्फे विद्यार्थी‎ रुण, ज्येष्ठ नागरीक, पत्रकार,‎ स्वातंत्र्य संग्राम सैनिक, आमदार,‎ खासदार यांच्यासाठी प्रवास‎ भाड्यात सवलत देण्यात येते. ६५ वर्ष‎ पूर्ण केलेल्या वृद्धाला जर बस मधून‎ प्रवास करायचा असेल तर बसच्या‎ तिकिटांत ५० टक्के सवलती देण्यात‎ आली आहे.

स्वातंत्र्याच्या अमृत‎ महोत्सवानिमित्त वयाची ७५ वी पूर्ण‎ केलेल्या ज्येष्ठ नागरिकाला राज्य‎ परिवहन महामंडळाच्या बस प्रवास‎‎‎‎‎‎‎‎‎‎‎‎‎‎‎‎‎‎‎‎‎ मोफत करण्याची घोषणा मुख्यमंत्री‎ एकनाथ शिंदे यांनी केली होती. याची‎ अंमलबजावणी घोषणे नंतर काही‎ दिवसाने सुरु झाले. खामगाव‎ आगारातील ४६ बस वेगवेगळ्या‎ रस्त्यावरुन प्रवाशांना घेवून धावत‎ आहे. या माध्यमातून आगाराला‎ लाखो रुपयांचे उत्पन्न मिळत आहे.‎ त्याच बरोबर ७५ वर्षावरील ज्येष्ठ‎ नागरिक देखील प्रवास करत आहे,‎ अशा नागरिकांची संख्या महिनो‎ गणती वाढत असल्याचे दिसून येत‎ आहे.‎‎

प्रवाशांनी लाभ घ्यावा‎
राज्य परिवहन महामंडळाच्या‎ प्रवाश्यांसाठी विविध योजना आहे.‎ त्या योजनांचा प्रवाशांनी लाभ‎ घ्यावा. एसटीचा प्रवास हा सुरक्षीत‎ प्रवास असल्याने प्रवाश्यांनी‎ बसमधून प्रवास करावा.‎ - संदीप पवार, आगार‎ व्यवस्थापक खामगाव.‎