कारवाई:गावठी पिस्तुलासह चार जिवंत‎ काडतूस जप्त; एका आरोपीस अटक‎

पोलिसांनी नाकाबंदी करून एक‎ गावठी पिस्तुलासह चार जिवंत‎ काडतूस बाळगणाऱ्या एका‎ आरोपीस ताब्यात घेतले. यावेळी‎ पोलिसांनी आरोपीच्या ताब्यातून एक‎ गावठी पिस्तुल, चार जिवंत‎ काडतुस, दुचाकी असा एकूण ८२‎ हजार रुपयांचा माल जप्त केला‎ आहे. ही कारवाई तालुक्यातील‎ एकलारा ते काटेल फाट्याजवळ‎ स्थानिक गुन्हे शाखेच्या पथकाने‎ केली आहे.‎

तालुक्यातील टुनकी बावनबीर‎ मार्गे लाल रंगाच्या एम एच २८‎ /ए.वाय / ९५५७ या क्रमांकाच्या‎ दुचाकीने शेगावकडे जाणार्या एका‎‎‎‎‎‎‎‎‎‎‎ व्यक्तीजवळ गावठी बनावटीचे‎ पिस्तुल व जिवंत काडतूस‎ असल्याची माहिती स्थानिक गुन्हे‎ शाखेच्या पथकाला मिळाली. काही‎ वेळानंतर आरोपी रामलाल फुदसींग‎ डूडवा वय २४, रा.निमखेडी यास‎ थांबवून त्याची झडती घेतली असता‎ त्याच्या पॅण्टमध्ये देशी बनावटीचे‎ पिस्तुल व चार जिवंत काडतूस‎ आढळून आले. प्रकरणी स्थागुशाचे‎ पोलिस नायक युवराज तातुबा राठोड‎ यांनी दिलेल्या तक्रारीवरुन आरोपी‎ रामलाल फुदसींग डुडवा यास‎ ताब्यात घेतले.

ही कारवाई पोलिस‎ उपनिरीक्षक सचिन कानडे, पोहेकॉ‎ रामकुमार राजपूत, पो.ना.गजानन‎ दराडे तसेच हिवरखेडचे पोलिस‎ ठाण्याचे पो.ना. गजानन आहेर यांनी‎ केली. दरम्यान, आज आरोपीस‎ येथील न्यायालयात हजर केले‎ असता न्यायालयाने आरोपीस तीन‎ दिवसाची पोलिस कोठडी सुनावली‎ आहे. पुढील तपास तामगावचे‎ ठाणेदार प्रमोद उलेमाले यांच्या‎ मार्गदर्शनाखाली पोलिस उपनिरीक्षक‎ दीपक सोळंके हे करत आहेत.‎