प्रशासनाच्या‎ वेळकाढू धोरणाचा निषेध:निधीसाठी घरकुल लाभार्थ्यांचा‎ सिंदखेडराजा नगर पालिकेवर मोर्चा‎

पंतप्रधान घरकुल योजनेंतर्गत बांधून‎ पूर्ण झालेल्या घरांचे हप्ते मिळत‎ नसल्याने संतप्त लाभार्थीनी आज, दि.‎ १० मार्च रोजी नगरपालिकेवर मोर्चा‎ काढला. यावेळी प्रशासनाच्या‎ वेळकाढू धोरणाचा निषेध करून हप्ते‎ त्वरित मिळावेत, यासाठी‎ अधिकाऱ्यांना त्यांनी निवेदन दिले.‎ शहरात पंतप्रधान घरकुल‎ योजनेंतर्गत नगर पालिकेच्या‎ माध्यमातून सन‌् २०१८ मध्ये घरकुल‎ बांधण्यास परवानगी देण्यात आली.‎ जवळपास ८०० लाभार्थीनी यासाठी‎ पालिकेकडे रितसर अर्ज केले.‎ त्यापैकी १४० घरकुलांचे बांधकाम पूर्ण‎ झाले असून शेकडो घरांचे बांधकाम‎‎‎‎‎‎‎‎‎ अद्याप राहिले आहे.

मात्र, १४०‎ लाभार्थीना शेवटच्या चौथ्या हप्त्याची‎ ७५ हजार रुपयांची रक्कम दोन वर्षे‎ उलटूनही शासनाकडून प्राप्त झाली‎ नाही. त्यामुळे संतप्त लाभार्थींनी आज‎ पालिकेवर मोर्चा काढला. घरकुलांचे‎ थकीत हप्ते त्वरित अदा करावेत,‎ अशी मागणी त्यांनी यावेळी केली.‎ भाजपचे कार्यकर्ते संदीप मेहेत्रे‎ यांच्या माध्यमातून घरकुल लाभार्थींनी‎‎‎‎‎‎‎‎‎ काढलेल्या या मोर्चात मोठ्या संख्येने‎ नागरिक व महिलांनी सहभाग घेतला.‎ दरम्यान,हप्ते लवकर मिळावेत‎ यासाठी सरकारकडे पाठपुरावा करत‎ असल्याचे मुख्याधिकारी प्रशांत‎ व्हटकर यांनी मोर्चेकऱ्यांना सांगितले.‎ १५ दिवसांत रक्कम न मिळाल्यास‎ पालिकेवर पुन्हा मोर्चा काढणार‎ असल्याचा इशारा यावेळी संदीप मेहेत्रे‎ यांनी दिला.‎