अज्ञात‎ चोरट्यांविरुद्ध गुन्हा:गोराडखेडा जि.प. शाळेत‎ दोन टीव्ही संचाची चोरी‎

तालुक्यातील जळगाव-पाचोरा‎ राज्य महामार्गालगत असलेल्या‎ गोराडखेडा येथील जिल्हा‎ परिषदेच्या प्राथमिक शाळेत‎ अज्ञात चोरट्यांनी दगडाने तीन‎ शाळा खोल्यांचे दरवाजे तोडून‎ तीन टीव्ही संचाची चोरी केली.‎ मात्र त्यापैकी एक टीव्ही संच‎ शाळेच्या आवारातच सोडून‎ दोन संचासह पसार झाल्याची‎ घटना साेमवारी उघडकीस‎ अाली. शाळेचे मुख्याध्यापक‎ गुणवंत पवार यांनी पाचोरा‎ पोलिस ठाण्यात फिर्याद‎ दिल्यानुसार अज्ञात‎ चोरट्यांविरुद्ध गुन्हा नोंदवला.‎ रविवारी रात्री एक ते दीड‎ वाजेच्या दरम्यान ही चोरी‎ झाल्याचा अंदाज वर्तवण्यात येत‎ आहे. घटनास्थळी फिंगरप्रिंट‎ तज्ञ व श्वानपथकास पाचारण‎ करण्यात आले होते. मात्र‎ श्वानाने शाळेचा परिसर व‎ जवळ असलेल्या जिनिंग‎ फॅक्टरीपर्यंत माग घेतला व तेथून‎ माघारी फिरला. अतिशय‎ वर्दळीच्या ठिकाणी गोराडखेडा‎ जि.प. शाळा असून शनिवारी‎ सकाळी अकरा वाजता शिक्षक‎ शाळेला कुलूप लावून घरी गेले.‎

रविवारी, सोमवारी होळी‎ सणाची सुटी होती. त्याचा‎ फायदा घेत अज्ञात चोरट्यांनी‎ रविवारी पहाटे एक ते दीड‎ वाजता शाळेच्या मागील बाजूने‎ प्रवेश केला व शाळेच्या कुलूप‎ असलेल्या तीन खोल्यांचा कडी‎ काेंडा, दरवाजा दगडाने तोडला.‎ तेथील सॅमसंग कंपनीचे मुलांना‎ शिक्षण घेता येणारे टीव्ही संच‎ चोरून व त्यातील एक संच‎ शाळेच्या आवारातच सोडून ३०‎ हजार रुपये किमतीचे दोन संच‎ चाेरून नेले. शाळेचे रेकॉर्ड‎ अस्ताव्यस्त फेकले हाेते.‎ गावातील काही शेतकरी‎ मध्यरात्री शेतात जात असताना‎ त्यांना शाळेत काहीतरी‎ ठोकण्याचा आवाज आल्याने‎ त्यांनी मुख्याध्यापक पवारांना‎ कळवले. मुख्याध्यापक पवार,‎ उपनिरीक्षक प्रदीप पाटील,‎ दीपक धनगर यांनी पहाटे सहा‎ वाजता शाळेत जावून पाहणी‎ केली असता चाेरीचा हा प्रकार‎ उघडकीस आला.‎