शॉर्टसर्किट:शॉर्टसर्किटमुळे घराला आग;‎ दीड लाखांचे झाले नुकसान‎

येथील रहिवासी शेख आरिफ शेख भिकन‎ यांच्या राहत्या घराला शॉर्टसर्किटमुळे आग‎ लागली. या आगीत घरातील संपूर्ण साहित्य‎ जळून खाक झाले असून, बकरीच्या‎ पिल्याचाही जळून कोळसा झाला आहे. या‎ घटनेत घर मालकाचे अंदाजे दीड लाख‎ रुपयांचे नुकसान झाले आहे. ही घटना‎ शनिवारी सकाळी साडेनऊ वाजता घडली.‎ येथील वॉर्ड क्रमांक ३ मध्ये शेख आरिफ‎ शेख भिकन यांचे टिनपत्र्याचे घर आहे.‎ हमाली करून ते कुटुंबाचा उदरनिर्वाह‎ करतात. दरम्यान शनिवारी सकाळी नऊ ते‎ साडे नऊ वाजेच्या सुमारास शॉर्टसर्किटमुळे‎ त्यांच्या घराला आग लागली.‎

लाकुडफाट्याचे घर असल्यामुळे काही‎ वेळातच आगीने रौद्र रूप धारण केले. घराला‎ आग लागल्याचे लक्षात येताच परिसरातील‎ नागरिकांनी पाण्याचा मारा करून आग‎ विझविण्याचा प्रयत्न केला. परंतु आगीवर‎ नियंत्रण मिळवणे अशक्य झाले हाेते. या‎ आगीत घरातील जीवनोपयोगी साहित्य, रोख‎ रक्कम, वर्षभरासाठी राखून ठेवलेले तीन‎ हजार रुपये किमतीचे दोन क्विंटल गहू, १२‎‎‎‎‎‎‎‎‎‎‎‎‎‎‎ हजार रुपये किमतीचे दोन क्विंटल सोयाबीन,‎ एक फ्रीज, कुलर, पलंग, कपाट, कटर मशीन‎ जळून खाक झाली. या आगीत बकरीच्या‎ पिल्लाचा भाजून अक्षरश: कोळसा झाला‎ आहे. या घटनेमुळे शेख आरिफ यांचा संसार‎ उघड्यावर अाला. आगीची माहिती मिळताच‎ तलाठी चव्हाण तसेच ग्रामविकास अधिकारी‎ संदीप शिंदे यांनी घटनास्थळी धाव घेऊन‎ पंचनामा केला. नुकसानग्रस्तास शासनाने‎ तातडीने नुकसान भरपाई देण्यात यावी, अशी‎ मागणी ग्रामस्थ करत आहेत.‎