सण उत्सव:रंगपंचमीच्या पार्श्वभूमीवर गावठी दारुचे अड्डे उद्ध्वस्त‎

पोलिस स्टेशन ठाण्याच्या हद्दीत‎ होळी व रंगपंचमी सणाच्या‎ पार्श्वभुमीवर डी. बी. पथकाने‎ शहरात विविध ठिकाणी धाडी‎ टाकून गावठी दारुचे अड्डे उध्वस्त‎ केले आहेत. यावेळी पोलिसांनी दारु‎ विक्रेत्यांकडून ३१७ लिटर गावठी‎ दारु व ९५० लिटर मोहसडवा व‎ साहित्य असा एकूण ८८ हजार १००‎ रुपयाचा माल जप्त करुन तो नष्ट‎ केला आहे. ही कारवाई आज ६‎ मार्च रोजी करण्यात आली आहे. या‎ धडक कारवाईमुळे गावठी दारूची‎ निर्मिती व विक्री करणाऱ्यांमध्ये‎ एकच खळबळ उडाली आहे.‎ या सण उत्सवाच्या पार्श्वभूमीवर‎ शहरात कुठलाही अनुचित प्रकार‎ घडू नये, यासाठी ठाणेदार प्रल्हाद‎ काटकर यांच्या मार्गदर्शनाखाली‎ शहरात डी. बी. पथकाने आज ६‎ मार्च रोजी सकाळी सहा वाजेपासून‎ शहरातील कैकाडीपुरा, भिलवाडा व‎ जुनागाव परिसरात गावठी दारूची‎ निर्मिती करून त्याची विक्री‎ करणाऱ्या विरोधात विशेष मोहीम‎ राबवून पाच दारु विक्रेत्या विरुध्द‎ धडक कारवाई केली.

यावेळी दारु‎ विक्रेत्यांकडून ३१७ लिटर गावठी‎ दारु व ९५० लिटर मोहसडवा व दारु‎ काढण्याचे साहीत्य असा एकूण ८८‎ हजार १०० रुपयांचा माल जप्त करुन‎ तो नष्ट केला आहे. या प्रकरणी‎ पोलिसांनी रमेश शंकर शिंदे रा.‎ आंबेडकर नगर, बाबू पंडीत जाधव‎ रा. कैकाडी पुरा, उषा अंकुश‎ गायकवाड रा. वाॅर्ड क्रमांक एक,‎ मीना संजय पवार रा. जुनागाव,‎ अनिता रवी पवार, रा. आंबेडकर‎ नगर यांना ताब्यात घेतले. ही‎ कारवाई पोलिस अधीक्षक सारंग‎ आव्हाड, अपर पोलिस अधीक्षक‎ बी.बी.महामुनी, उपविभागीय पोलिस‎ अधिकारी सचिन कदम यांच्या‎ मार्गदर्शनाखाली शहर ठाणेदार‎ प्रल्हाद काटकर यांच्या सूचनेनुसार‎ सहायक पोलिस निरीक्षक अभिजीत‎ अहीरराव, सहायक फौजदार माधव‎ पेटकर, पोहेका प्रभाकर लोखंडे,‎ नापोका रवींद्र हजारे, गजानन‎ जाधव, नापोका सुनील मोझे,‎ गंगेश्वर पिंपळे, सुनीता खंडारे, पोका‎ शिवहरी सांगळे, युवराज शिंदे,‎ विनोद बोरे यांनी केली आहे.‎