घोषणा:अर्थसंकल्पात जिल्हावासीयांच्या‎ प्रलंबित मागण्यांचा समावेश‎

राज्याच्या अर्थसंकल्पात जिल्ह्याच्या‎ बऱ्याच वर्षापासून प्रलंबित असलेल्या‎ मागण्यांना साद देण्यात आली आहे.‎ वैद्यकीय महाविद्यालयासाठी इमारत‎ बांधकाम, ११५ वर्ष जुन्या‎ खामगाव-जालना रेल्वे मार्गाला राज्य‎ शासनाचा हिस्सा देण्याची घोषणा केली‎ असून संत्रा प्रक्रियेसाठी मात्र तरतूद केली‎ आहे. वैनगंगा-पैनगंगा नदी जोड‎ प्रकल्पाचेही पाणीही वळवणार‎ असल्याने तो सुध्दा मागणीतीलच एक‎ विषय होता. सिंदखेड राजा ते शेगाव‎ चौपदरीकरणासाठीही अर्थसंकल्पात‎ समावेश होता. मात्र सिंदखेड राजा‎ विकास आराखड्याबाबत व लोणारच्या‎ पर्यटनाबाबत काही घोषणा झाली नाही.‎ याकडे दुर्लक्ष मात्र करण्यात आल्याचे‎ दिसत आहे. टेक्स्टाइल पार्कची घोषणाही‎ भाजप सरकारनेच केली होती. त्याचे‎ काय झाले हे जिल्ह्यातील सर्व जनतेला‎ माहित आहे.‎ खामगाव- जालना या रेल्वे मार्गाचे‎ ब्रिटिश काळात काम सुरु झाले होते.‎ परंतु दुसरे महायुद्ध सुरु झाले‎ विदर्भ-मराठवाडा या मागास भागाला‎ जोडणाऱ्या या रेल्वे मार्गाचे काम‎ रखडले. तेव्हापासून या रेल्वे मार्गाचे‎ काम व्हावे यासाठी प्रयत्न झाले होते.‎ रेल्वे लोक आंदोलन समितीने‎ आंदोलनेही केली हेाती.

केवळ १६५‎ किलोमीटर लांबीच्या या रेल्वे मार्गाचे‎ काम पूर्ण झालेले नाही. केंद्र सरकारने‎ तरतूदही केली होती. अखेर वर्षभरापूर्वी‎ पुर्नसर्वेक्षण या रेल्वे मार्गाचे करण्यात‎ आले होते. रेल्वेचा मार्ग हा राज्याच्या‎ पन्नास टक्के निधी शिवाय होणार नाही.‎‎‎‎‎‎‎‎‎‎‎‎‎‎‎‎‎‎‎ असे रेल्वेमंत्री रावसाहेब दानवे यांनी‎ सांगितल्यानंतर तत्कालीन महाविकास‎ आघाडी व आताचे भाजप शिंदे सरकार‎ यांच्याकडे सातत्याने येथील‎ प्रतिनिधींनीही पाठपुरावा केला आहे.‎ त्यामुळे कदाचित यावेळी आपला हिस्सा‎ देण्याची घोषणा अर्थसंकल्पात‎ उपमुख्यमंत्री देवेंद्र फडणवीस यांनी केली‎ आहे. त्याला किती काळ लागेल मात्र हे‎ अजून स्पष्ट झाले नाही.‎ जिल्ह्याला काय मिळाले अन् काय‎ राहिले‎ बुलडाणा जिल्ह्याचे ठिकाणी वैद्यकीय‎ महाविद्यालय व्हावे. ही मागणी खरे तर‎ दहा वर्षांपूर्वीची आहे. तेव्हापासून‎ बुलडाणेकरांना हे महाविद्यालय आज‎ होईल उद्या होईल असे वाटले होते.‎ अखेर ते मंजूरही झाले आहे. या‎ महाविद्यालयासाठीची जागेची पाहणी व‎ इतर बाबींची पाहणी सुध्दा समितीने केली‎‎‎‎‎‎‎‎‎‎‎‎‎‎‎‎‎‎‎ होती. जिल्हा सामान्य रुग्णालय ही‎ इमारतही त्या दृष्टीने योग्य होती. जिल्हा‎ महिला व बाल रुग्णालयाची नवीन‎ इमारतही तेव्हा उभी होती. क्षय‎ आरोग्यधाम ही रिकामे झाले होते. सर्व‎ सुविधा उपलब्ध असताना इमारत‎ बांधकामासाठीची तरतूद या‎ अर्थसंकल्पात करण्यात आल्याने आता‎ वैद्यकीय महाविद्यालय या सत्रापासून सुरु‎ होण्याच्या आशा पल्लवीत झाल्या आहे.‎ बुलडाणेकरांसाठी ही अभिमानास्पद बाब‎ आहे.‎

कृषी उत्पादनावर प्रक्रिया करणारा प्रकल्प‎ जिल्ह्यात व्हावा. अशी मागणी बऱ्याच‎ दिवसांपासूनची आहे. जिल्ह्यात फळ व‎ भाजीपाल्यासाठी कोल्ड स्टोअरेज‎ असावे, अशीही मागणी आहे. मात्र‎ कोल्ड स्टोअरेज बाबत कोणतीही‎ घोषणा झाली नाही. मात्र संत्रा पिकांवर‎ प्रक्रिया करणाऱ्या या उद्योगाची घोषणा‎‎‎‎‎‎‎‎‎‎‎‎‎‎‎‎‎‎‎ झाली आहे. जिल्ह्यात सर्वाधिक २२००‎ हेक्टर क्षेत्र हे संग्रामपूर, जळगाव जामोद‎ तालुक्यात संत्रा फळपिकांसाठी आहे. या‎ भागाला या संत्रा प्रक्रिया उद्योगाचा‎ फायदा होणार आहे. जिल्ह्यातून‎ शेगाव-बैतुल हा मार्ग गेल्याने‎ शेगाव-अजिंठा या दोन स्थान जोडले‎ गेले आहे. आता सिंदखेड राजा-शेगाव‎ मार्ग चौपदरीकरण होणार असल्याने‎ पर्यटन व र्तिर्थाटनला प्रगती मिळेल व‎ रोजगारातही वाढ होईल. अशी अपेक्षा‎ व्यक्त होत आहे. पैनगंगा-वैनगंगा-नळगं‎ गा नदी जोड प्रकल्पाचे सर्वेक्षण‎ जवळपास पूर्ण झाले असून सदर‎ योजनेअंतर्गत असलेल्या खामगाव ते पेन‎ टाकळी या जवळपास ४७ किमी चे‎ सर्वेक्षण अद्यापही बाकी आहे. हे सर्वेक्षण‎ केवळ निधीमुळे रखडलेले आहे. या‎ अर्थसंकल्पात पैनगंगा-वैनगंगा नदी जोड‎ प्रकल्पालाही स्थान देण्यात आले आहे.‎

असा राहू शकतो खामगाव-जालना रेल्वे मार्ग‎
मध्य रेल्वे विभागाकडून नवीन खामगाव-जालना रेल्वे मार्ग‎ रोड ब्रॉडगेज लाइन १६२ किमी प्रस्तावित असून हा मार्ग‎ बुलडाणा व जालना जिल्ह्यातून जात आहे. या रेल्वे मार्गावर‎ १७ स्टेशन प्रस्तावित आहेत. या रेल्वे मार्गासाठी खासगी‎ ५८१.६० हेक्टर आर जमीन व वनजमीन ४८.५८ हेक्टर आर‎ लागणार आहे. या मार्गावर मोठे ३७ व लहान १३८ पुलाचे‎ बांधकाम प्रस्तावित आहेत. सदर मार्गाचे प्रत्यक्ष सर्वेक्षण मार्च‎ २०२२ मध्ये झाले असून तसा प्रस्ताव मंजुरीसाठी रेल्वे मंत्रालय‎ मध्ये सादर करण्यात आलेला आहे. या प्रकल्पासाठी ४५३८‎ कोटी इतका खर्च लागणार असून प्रति किमी साठी २८.१ कोटी‎ इतका खर्च येणार आहे.‎