निदर्शने‎:सर्वोच्च न्यायालयामार्फत‎ अदानी समूहाची चौकशी करा‎

अदानी समूहातील गैरकारभाराची‎ चौकशी करण्यात यावी, या मागणीसाठी‎ तसेच केंद्रातील मोदी सरकारच्या‎ निषेधार्थ आज ६ फेब्रुवारी रोजी नांदुरा‎ रोडवरील एलआयसी व स्टेट बँक ऑफ‎ इंडियाच्या कार्यालयासमोर कॉग्रेसच्या‎ वतीने निदर्शने करण्यात आली.‎ केंद्रातील मोदी सरकारने अदानी‎ समूहाचे जवळपास ७२ हजार कोटी‎ रुपयांचे कर्ज माफ केले आहे. मोठे मोठे‎ उद्योग, रेल्वे स्टेशन, हवाई अड्डे, विद्युत‎ प्रकल्प यासारख्या अनेक संस्था अदानी‎ समूहाला देण्याचे काम करुन मोदी‎ सरकार निवडक उद्योग पतींवर मेहरबानी‎ दाखवत आहे.

अदानी समुहाने केलेल्या‎ गैरकारभारामुळे एलआयसी व स्टेट बँक‎ ऑफ इंडिया मधील पॉलिसी धारक व‎ गुंतवणुकदारांचे ३३ हजार कोटी रुपयांचे‎ नुकसान झाले आहे. अदानी समूहातील‎ आर्थिक गैरकारभाराचा पर्दाफाश‎ करणार्या हिंडनबर्ग संस्थेच्या‎ अहवालाची संयुक्त संसदीय समितीतर्फे‎ तसेच मुख्य न्यायाधीशाच्या‎ देखरेखीखाली चौकशी करावी. तसेच‎ गुंतवणुकदारांच्या पैशाला संरक्षण‎ मिळावे, यासाठी केंद्र सरकारने योग्य ते‎ निर्णय घ्यावे, अन्यथा काँग्रेसच्या वतीने‎ तीव्र आंदोलन करण्यात येईल, असा‎ इशारा माजी आमदार दिलीपकुमार‎ सानंदा यांनी दिला आहे.

या आंदोलनात‎ सरस्वती खासने, मनोज वानखडे,‎ विजय काटोले, सुरजितकौर सलुजा,‎ किशोरआप्पा भोसले, पंजाबराव‎ देशमुख, श्रीकृष्ण टिकार, चैतन्य‎ पाटील, मनीष देशमुख, गणेश ताठे,‎ बबलू पठाण यांच्यासह सरपंच विनोद‎ मिरगे, नीलेश देशमुख, पवन पवार,‎ इब्राहिम खॉ सुभान खॉं, मो.नईम, शेख‎ रशीद शेख उस्मान, राजु पटेल, अस्लम‎ पटेल, गब्बर भाई, सुरेश बोरकर,‎ यांच्यासह कॉंग्रेसचे पदाधिकारी व‎ कार्यकर्ते सहभागी झाले होते.‎