बस चौकात बंद:जयस्तंभ चौकात भंगार‎ एसटी बसला दे धक्का

अनेक दिवसांपासून भंगार बस तशाच‎ चालवल्या जात आहेत. यामुळे अनेक वेळा‎ वाहकासह प्रवाशांना बसला धक्का मारावा‎ लागत आहे. असाच काहीसा प्रकार‎ शहरातील जयस्तंभ चौक भागात आज‎ रविवार, ५ फेब्रुवारी रोजी अकोला कडून‎ बुलडाण्याकडे येत असलेली बस चौकात बंद‎ पडली. यावेळी तर वाहतुकीची कोंडी हाेत‎ असल्यामुळे प्रवाशांसह वाहतूक शाखेच्या‎ पोलिसांना या भंगार बसला धक्का मारावा‎ लागला.‎ बुलडाणा शहरात रविवार बाजाराचा‎ दिवस असल्यामुळे मोठ्या प्रमाणात‎ जयस्तंभ चौक परिसरात गर्दी असते. याच‎ वेळी बसचे इंजीन गरम झाल्यामुळे बस बंद‎‎‎‎‎‎‎‎‎‎‎‎‎‎ पडली. या दरम्यान त्यामुळे वर्दळीच्या‎ चौकात वाहतूक कोंडी होवू नये म्हणून चक्क‎ प्रवाशांसह पोलिसांनाच या भंगार बसला‎ धक्का मारावा लागला.‎

भंगार बस उठल्या जीवावर‎ बुलडाणा जिल्ह्यातील प्रवाशांना अनेक वेळा‎ नाहक त्रास सहन करावा लागतो. नादुरुस्त‎ बसेस मुळे अनेकदा लहान- मोठे अपघात‎ घडत आहेत. अशीच घटना शनिवार, ४‎ फेब्रुवारी रोजी मेहकर-खामगाव मार्गावर‎ नुकतीच एसटी बसचे स्टेअरिंग जाम झाल्याने‎ झाडाला धडकली. या घटनेत २५ प्रवासी‎ जखमी झाले आहेत. अपघाताच्या अश्या‎ घटनांमुळे या बसेस एकप्रकारे जीवावरच‎ उठल्याचे दिसून येत आहे.‎