प्राचार्य कोठे यांची अपेक्षा:जिजामाताचे विद्यार्थी खेळ व राष्ट्र‎ विकासात भरीव कामगिरी करतील‎

जिजामाता महाविद्यालयाचे विद्यार्थी मोठ्या‎ प्रमाणात शिक्षण, खेळ तसेच इतर राष्ट्र‎ विकासाच्या क्षेत्रात भरीव कामगिरी करतील‎ अशी अपेक्षा प्राचार्य प्रशांत कोठे यानी व्यक्त‎ केली.‎ येथील जिजामाता महाविद्यालयात २६‎ जानेवारी रोजी प्रजासत्ताक दिनानिमित्त‎ बक्षिस वितरण कार्यक्रमाचे आयोजन‎ करण्यात आले. त्यावेळी अध्यक्षस्थानावरून‎ ते बोलत होते.

यावेळी विचार पिठावर सुरेश‎ देवकर, रणजीत राजपूत, डॉ. स्मिता गोडे,‎ डॉ. येरणकर, डॉ. भरत जाधव, डॉ. वंदना‎ काकडे, डॉ. सुरेश गवई व गुणवत्ता हमी‎ कक्षाचे समन्वयक प्रा. सुबोध चिंचोले‎ उपस्थित होते. सर्वप्रथम मान्यवरांच्या हस्ते‎ राजमाता जिजाऊ, छत्रपती शिवाजी महाराज‎ व डॉ. पंजाबराव देशमुख यांच्या प्रतिमेचे‎ पूजन व दीपप्रज्वलन करून कार्यक्रमाची‎ सुरुवात केली. यावेळी आपल्या प्रास्ताविकात‎ प्रा. डॉ. वंदना काकडे यांनी विद्यार्थ्यांना‎ परीक्षेत अधिकाधिक गुण संपादित करावेत.‎ तसेच त्यांना प्रोत्साहित करण्यासाठी‎ शिष्यवृत्ती योजनेचा हेतू असल्याचे सांगितले.‎

अमरावती विद्यापीठाच्या उन्हाळी २०२२ मध्ये‎‎‎‎‎‎‎‎‎‎ गुणवत्ता यादीत आलेल्या विद्यार्थ्यांना प्राचार्य,‎ शिक्षक, शिक्षकेतर कर्मचारी तसेच‎ जिजामाता महाविद्यालयातील प्रेम करणाऱ्या‎ दात्यांनी उत्स्फूर्तपणे शिष्यवृत्ती दिली. त्यानंतर‎ विद्यार्थ्यांना प्रमाणपत्र स्मृतिचिन्ह देवुन‎ शिष्यवृत्ती वितरीत करून सन्मानित करण्यात‎ आले. सत्र २०२२-२३ मधील एनएसएस,‎ एनसीसी आणि विविध खेळ तसेच २५ ते २७‎ डिसेंबर दरम्यान, डॉ.पंजाबराव देशमुख‎ यांच्या जयंतीनिमित्त आयोजित विविध‎ स्पर्धेतील प्रावीण्य प्राप्त विद्यार्थ्यांना प्रमाणपत्र‎ व स्मृतिचिन्ह मान्यवरांच्या हस्ते देवून‎ सन्मानित करण्यात आले.

त्यामध्ये‎ विद्यापीठात कला शाखेत दहावी मेरीट‎ आलेली सांची समदुर, वाणिज्य पदवीत्तर‎ परीक्षेत नववा मेरीट आलेला श्रीकृष्ण‎ कल्याणकर, दहावा मेरीट धनंजय राजणकर,‎‎‎‎‎‎‎‎‎‎ आविष्कार मध्ये राज्यस्तरावर नामांकन‎ मिळवणारी तसेच टेकलॉन २०२३ मध्ये‎ राष्ट्रीय पातळीवर विजेती राजनंदिनी राजपूत‎ तसेच फुटबॉल, कबड्डी व क्रिकेट या खेळात‎ चमक दाखवणाऱ्या खेळाडूंचा सत्कार‎ करण्यात आला. त्यानंतर देवकर यांनी‎ विद्यार्थ्यांनी संधीचा फायदा घेवून आपला‎ उत्कर्ष साधला पाहिजे, असा आशावाद‎ व्यक्त केला. कार्यक्रमाचे संचालन प्रा. स्नेहा‎ कोल्हे यांनी तर आभार डॉ. भरत जाधव यांनी‎ केले. कार्यक्रमाच्या यशस्वितेसाठी डॉ. वंदना‎ काकडे, डॉ. भरत जाधव, प्रा. सुबोध‎ चिंचोले, डॉ. एस. एन. गवई, डॉ. डी. जे.‎ कांदे, प्रा. पवन ठाकरे, प्रा. गजानन लोहोटे,‎ प्रा. किरण टाकळकर, प्रा. रतन कानके व‎ दिलीप मोरे यांनी परिश्रम घेतले. कार्यक्रमाला‎ शिक्षक, कर्मचारी व विद्यार्थी उपस्थित होते.‎