आमदार श्वेता महाले यांचे मानले आभार‎:रेल्वेमार्गासाठी राज्याच्या भागीदारीच्या‎ घोषणेनंतर चिखलीकरांचा जल्लोष‎

उपमुख्यमंत्री तथा अर्थमंत्री देवेंद्र‎ फडणवीस यांनी गुरुवारी, दि. ९ मार्च‎ रोजी अर्थसंकल्पात खामगाव -‎ जालना रेल्वे मार्गासाठी राज्य‎ सरकार ५० टक्के भागीदारी देणार‎ असल्याची घोषणा केली. याबद्दल‎ रेल्वे लोकआंदोलन समिती आणि‎ नागरिकांच्या वतीने छत्रपती शिवाजी‎ महाराज पुतळ्यासमोर साखर‎ वाटून, फटाके फोडून आणि‎ घोषणाबाजी करत जल्लोष करण्यात‎ आला.‎ खामगाव - जालना रेल्वे‎ मार्गासाठी राज्य शासनाने ५० टक्के‎ निधी मंजूर करावा, ही प्रमुख मागणी‎ रेल्वे लोकआंदोलन समितीने अनेक‎ वर्षांपासून केली होती. आमदार‎ श्वेता महाले यांना निवेदन देऊन‎ समितीने मागणी राज्य सरकार पर्यंत‎ पोहचविली. आमदार महाले यांनीही‎ सातत्याने पाठपुरावा केला.‎ आमदार श्वेता महाले यांच्या‎ प्रयत्नांमुळे अर्थसंकल्पात‎ फडणवीस यांनी रेल्वे मार्गासाठी ५०‎ टक्के निधी मंजूर करत असल्याची‎ घोषणा केली. त्यानंतर चिखलीत‎‎‎‎‎‎‎‎‎‎‎‎‎ जल्लोष करण्यात आला.

मुख्यमंत्री‎ एकनाथ शिंदे, उपमुख्यमंत्री देवेंद्र‎ फडणवीस आणि आमदार श्वेता‎ महाले यांचे आभार मानत रेल्वे‎ लोकआंदोलन समितीच्या सदस्यांनी‎ साखर वाटली. तसेच फटाके फोडून‎ आपला आनंद व्यक्त केला. छत्रपती‎ शिवाजी महाराज पुतळा, बस‎ स्थानक आणि चिंच परिसरात‎ जल्लोष करण्यात आला. यावेळी‎ प्रा. किशोर वळसे, रेणुकादास मुळे,‎ अनुप महाजन, संतोष अग्रवाल,‎ भारत दानवे, माजी नगराध्यक्ष‎ सुरेशअप्पा खबुतरे, सुहास शेटे,‎ अंकुशराव पाटील, डॉ. प्रतापसिंह‎ राजपूत, हेमंत कुचेरिया, माजी‎‎‎‎‎‎‎‎‎‎‎‎‎ नगरसेवक गोविंद देव्हडे, नामू‎ गुरुदासानी, सागर पुरोहित,‎ पंजाबराव धनवे, चेतन देशमुख,‎ गजानन कुळकर्णी, भगवान‎ निंबाळकर, मतीन मिया, गजानन‎ भणगे, भिकू लोळगे, प्रथमेश‎ सदावर्ते, संजय शेळके, सिद्धेश्वर‎ ठेंग, वृषभ शर्मा, अभि वीर, राजेंद्र‎ हांडगे, अमित मालानी, विकास‎ सोनूने, विजय अवचार, प्रवीण‎ महाशब्दे, आयुष कोठारी, आनंद‎ सराफ, सम्राट जोगदंडे, हरिहर‎ सोळंके, कैलास भालेकर, गिरीश‎ शिरभाते, हरीभाऊ परिहार, तेजराव‎ सोनूने, अजय राजपूत, काशीनाथ‎ शेळके, गोलू गिनोडे उपस्थित होते.‎