जल्लोष‎:कसब्यातील विजयाचा‎ बुलडाण्यात जल्लोष‎

पुणे जिल्ह्यातील कसबा मतदार‎ संघातील आघाडीच्या विक्रमी‎ विजयाचा बुलडाणा शहरात आज‎ गुरुवारी संध्याकाळी जल्लोष साजरा‎ करण्यात आला.‎ कसबा पोटनिवडणुकीत‎ आघाडीचे उमेदवार रवींद्र धंगेकरांच्या‎ विजय येथील जयस्तंभ चौकात‎ महाविकास आघाडी कडून उत्साहात‎ साजरा करण्यात आला. फटाक्यांची‎ आतिषबाजी, फडकणारे काँग्रेस,‎ राष्ट्रवादी काँग्रेस व शिवसेनेचे झेंडे,‎ गगनभेदी घोषणा असा या‎ जल्लोषाचा माहोल होता. या‎ आनंदामुळे जणू काही जिल्ह्यातील‎ एखाद्या मतदार संघाचा निकाल‎ लागला की काय, असे मजेदार चित्र‎ यावेळी दिसून आले.

यावेळी काँग्रेस‎ शहराध्यक्ष दत्ता काकस, राष्ट्रवादी‎ शहर अध्यक्ष अनिल बावस्कर, माजी‎ नगरसेवक झाकीर कुरेशी, अनिल‎ वारे, सत्तार कुरेशी, राजेश गवई,‎ याकूब पठाण यांच्यासह आघाडीचे‎ कार्यकर्ते उपस्थित होते. यावेळी दत्ता‎ काकस यांनी सांगितले की, ही तर‎ आघाडीच्या विजयाची व भाजप शिंदे‎ गटाच्या घसरणीची सुरुवात आहे. ये‎ तो सिर्फ झाकी है, अभि महाराष्ट्र‎ बाकी है असे सांगून ते म्हणाले की,‎ २०२४ मध्ये बुलडाण्यासह महाराष्ट्रात‎ असेच राजकीय चमत्कार घडणार‎ आहेत.‎