लम्पी लसीकरण:पिंपळगाव कुडा येथे‎ लम्पी लसीकरण शिबिर‎

दुसरबीड‎ स्थानिक नारायणराव नागरे‎ महाविद्यालयामध्ये संत गाडगेबाबा‎ अमरावती विद्यापीठ संलग्नित‎ राष्ट्रीय सेवा योजना विभाग दुसरबीड‎ व पशू वैद्यकीय उपविभाग दुसरबीड‎ यांच्या संयुक्त विद्यमाने लम्पी‎ लसीकरण शिबीर दत्तग्राम पिंपळगाव‎ कुडा येथे २४ सप्टेंबर रोजी पार‎ पडले.‎ २४ सप्टेंबर हा राष्ट्रीय सेवा‎ योजना स्थापना दिन असल्यामुळे‎ त्या निमित्ताने जनावरांचे लसीकरण‎ शिबीर आयोजित केले होते. यावेळी‎ पशुवैद्यकीय अधिकारी डॉ.रवी‎ निकम व पिंपळगाव खुट्टा येथील‎ सरपंच वैजनाथराव कुडे, प्रतिष्ठित‎ नागरिक खुशाल नाना जाधव व‎ नागरिकांची उपस्थिती होती.

दरम्यान‎ राष्ट्रीय सेवा योजना‎ कार्यक्रमाधिकारी तथा प्राचार्य डॉ.‎ विजय नागरे यांनी गावकऱ्यांनी व‎ विद्यार्थ्यांनी आपल्या गावांमध्ये लम्पी‎ लसीकरण मोहीम राबवून‎ जनावरांची काळजी घ्यावी.‎ समाजाचे उत्तरदायित्व म्हणून‎ विद्यार्थ्यांनी सेवा संस्कार अंगी‎ बाळगावा. नैसर्गिक आपत्तीशी संघर्ष‎ करण्याची क्षमता आपल्यामध्ये‎ निर्माण असावी असे आवाहन त्यांनी‎ केले. यावेळी गावातील सर्व गुरांचे‎ लसीकरण करण्यात आले. डॉ.रवी‎ निकम यांनी लम्पी या साथीच्या‎ आजाराची लागण झालेल्या पशूंचे‎ तात्काळ लसीकरण करून घेण्याचे‎ आवाहन केले. यावेळी‎ महाविद्यालयातील डॉ.गणेश घुगे,‎ प्रा. शेख युनुस, प्रा. हरकळ,गजानन‎ मुंडे,गजानन राठोड, अनिल‎ गायकवाड,अनिल रानमले,‎ रंगनाथराव जाधव, विकास वाघ,‎ दिनकर घोरपडे, जाधव यांच्यासह‎ ग्रामस्थ उपस्थित होते.‎