‎ प्रगट दिन उत्सवाची परंपरा:महाप्रसादाने विश्वकर्मा‎ प्रगटदिनाची उत्साहात सांगता‎‎

मागील अनेक वर्षापासून शहरातील‎ विश्वकर्मा मंदिर येथे प्रभु विश्वकर्मा‎ प्रगट दिन उत्सवाची परंपरा आहे. तीन‎ दिवसीय हरिनाम व गजानन विजय ग्रंथ‎ पारायण सोहळा पार पडला. त्यानंतर‎ भाविकांना महाप्रसादाचे वाटप करुन‎ कार्यक्रमाची सांगता करण्यात आली.‎ मागील २ फेब्रुवारी रोजी धर्म ध्वजा‎ रोहन विश्वकर्मा संस्थानचे ज्येष्ठ‎ मार्गदर्शक वसंतराव सुर्वे व मधुकर‎ सुरुशे यांच्या हस्ते व समाज बांधवाच्या‎ उपस्थितीत करण्यात आले. ३ फेब्रुवारी‎ रोजी सकाळी प्रमोद राऊत, आदिनाथ‎ सुरुशे यांनी सपत्नीक प्रभू विश्वकर्मा‎ मूर्तीला महाभिषेक व महाआरती केली.‎

त्यानंतर प्रभु विश्वकर्मा कथासार वाचन‎ होऊन महाआरती करण्यात आली.‎ गजानन विजय ग्रंथ पारायण झाले.‎ श्रीहरी कीर्तनाचा कार्यक्रम सध्याकाळी‎ पार पडला. त्या नंतर रात्री भजन‎ संध्येचा कार्यक्रम पार पडला. तीन‎ दिवस कीर्तनाची सेवा हभप शीतलताई‎ झगरे, हभप गिरधर महाराज कव्हळेकर‎ यांनी दिली.‎ हभप गजानन महाराज लोणकर यांचा‎‎‎‎‎‎‎‎‎‎‎‎‎‎‎‎ काल्याचे कीर्तन झाले. त्यानंतर आ.‎ डॉ. संजय रायमूलकर, माधव जाधव‎ यांच्या हस्ते भाविकांना महाप्रसाचे‎ वाटप करण्यात आले. या वेळी शेकडो‎ भाविकांनी महाप्रसादाचा लाभ घेतला.‎ तीन दिवसीय कार्यक्रमासाठी कीर्तनाला‎ श्री खंडेराज बहुउद्देशीय वारकरी‎ शिक्षण संस्था संचालित अनाथ आश्रम‎ साब्रा यांनी साथ संगत केली.‎ कार्यक्रमाच्या यशस्वितेसाठी विश्वकर्मा‎ संस्थानच्या पदाधिकाऱ्यांनी परिश्रम‎ घेतले.‎

अनाथ मुला-मुलींची‎ कीर्तनाला साथ संगत‎ प्रभु विश्वकर्मा प्रगट दिन महोत्सवात‎ तीन दिवसीय कीर्तनाला साब्रा येथील‎ अनाथ मुला-मुलींची साथसंगत‎ लक्षवेधी ठरली. हभप सहदेव महाराज‎ ठोकरे यांच्या मार्गदर्शनाखाली ही‎ अनाथ मुले शिक्षण घेत आहेत. याच‎ आश्रमामधील मुलगी शीतलताई झगरे‎ यांचा कीर्तनाचा कार्यक्रम पार पडला.‎ आश्रमातील सोहळ्याला अनेकांनी‎ आपापल्या परीने मदत केली.‎