गावठी दारु अड्ड्यावर धाड‎:एका आरोपीस अटक

धामणगाव बढे पोलिस ठाण्या‎ अंतर्गत येणाऱ्या नळकुंड‎ उबाळखेड परिसरात गावठी‎ दारूची निर्मिती करण्यात येत‎ असलेल्या माहितीवरून‎ धामणगाव बढे पोलिसांनी गावठी‎ दारु अड्ड्यावर धाड टाकुन १३‎ हजार ५०० रुपयाच्या दारूसह‎ एका आरोपीस अटक केली. ही‎ कारवाई आज गुरुवारी‎ सायंकाळच्या सुमारास करण्यात‎ आली आहे.‎ मोताळा तालुक्यातील‎ उबाळखेड येथील लहू साहेबराव‎ शिकारे वय २२ हा नळकुंड‎ उबाळखेड शिवारात गावठी दारू‎ काढत असल्याची माहिती‎ धामणगाव बढे पोलिसांना‎ मिळाली.

त्यानंतर पोलिसांनी‎ उपरोक्त ठिकाणी धाड टाकून‎ आरोपीस दारूसह पकडले.‎ यावेळी पोलिसांनी त्याच्या‎ ताब्यातून साडे सात हजार रुपये‎ किमतीचा तीनशे लिटर मोह‎ सडवा व सहा हजार रुपये‎ किंमतीची साठ लिटर दारू असा‎ एकूण १३ हजार ५०० रुपयाचा‎ माल जप्त केला आहे. ही‎ कारवाई ठाणेदार सुखदेव‎ भोरकडे यांच्या मार्गदर्शनाखाली‎ पोहेकॉ गजानन पाटील, सुरेश‎ सोनवणे, चंदनसे मेजर, पोलिस‎ कर्मचारी सूरज रोकडे, संजय‎ जाधव यांनी केली आहे. प्रकरणी‎ पोहेका गजानन पाटील यांच्या‎ तक्रारीवरून पोलिसांनी‎ आरोपीविरुद्ध गुन्हा दाखल केला‎ आहे.‎ ‎