परतताना काळाची झडप‎:दुभाजकाला धडकून एक‎ जण ठार, तर एक गंभीर‎

चिखली‎ हॉटेलमध्ये जेवण करुन घराकडे परत‎ निघालेल्या एकावर काळाने घाला‎ ‎ घातला. तर अन्य‎ एक जण गंभीर‎ जखमी झाला.‎ रस्त्याच्या‎ ‎ दुभाजकावरील‎ पथदिव्याच्या‎ खांबावर दुचाकी‎ धडकून गुरुवारी‎ (दि. ५) रात्री एकच्या सुमारास हा‎ भीषण अपघात घडला.‎

गुरुवारी रात्री मेहकर फाट्यावरील‎ हॉटेल हरदेवमध्ये जेवण करुन रवी‎ अशोकराव तेजनकर (४३) व‎ सिद्धेश्वर परमेश्वर शेवाळे (२९) हे‎ दोघे दुचाकीने (एमएच २१ बीडब्ल्यू‎ ८७१६) चिखलीकडे परत निघाले हाेते.‎

रात्री एकच्या सुमारास शहरातील‎ अशोका लॉजिंगसमोरील‎ दुभाजकावरील पथदिव्याच्या खांबावर‎ दुचाकी जोरात धडकली. या‎ अपघातात रवी तेजनकर हे जागीच‎ ठार झाले़ तर सिद्धेश्वर शेवाळे हे गंभीर‎ जखमी झाले़ त्यांचे दोन्ही पाय व हात‎ फॅक्चर झाले आहे. एका खासगी‎ दवाखान्यासमोर पॅथॉलॉजी लॅब‎ चालविणारे मृत रवी अशोकराव‎ तेजनकर यांच्या निधनाने शहरात‎ हळहळ व्यक्त होत आहे.‎