नेत्रदान‎:रामदास पंडित यांचे‎ मरणोत्तर नेत्रदान‎

येथील पत्रकार राजेश पंडित यांचे‎ वडील रामदास पंडित यांचे ३‎ जानेवारी रोजी पहाटे तीन वाजता‎ अल्पशा आजाराने निधन झाले.‎ मृत्यू पश्चात त्यांचे मरणोत्तर नेत्रदान‎ करण्याचा निर्णय त्यांचा मुलगा‎ राजेश पंडित व त्यांचे नातेवाईक‎ नाभिक समाजाचे तालुका अध्यक्ष‎ सुनील शेजुळकर यांनी घेतला‎ होता.‎ जायंट्स ग्रुपचे माजी अध्यक्ष डॉ.‎ अशोक काबरा व जायंट्स‎ वेल्फेअर फाउंडेशनचे सन्मती जैन‎ यांना माहिती देऊन नेत्रदान करून‎ घेण्या बाबत कळविले.

त्यानुसार‎ जालना येथील गणपती नेत्रालयाच्या‎ डॉ. राधिका दरक व त्यांच्या चमूने‎ येऊन नेत्रदान प्रक्रिया पार पाडली.‎ यावेळी नाभिक समाजाच्या १०८‎ महिला व पुरुषांनी ११ ऑक्टोबर‎ २०१६ रोजी सामूहिकरीत्या मरणोत्तर‎ नेत्रदान करण्याचा संकल्प केला‎ होता.

त्या दिवशी नाभिक समाजाचे‎ ज्येष्ठ नागरिक म्हणून रामदास‎ पंडित यांनी सर्वप्रथम मरणोत्तर‎ नेत्रदानाचा संकल्प केला होता.‎ त्याची आठवण म्हणून त्यांच्या‎ परिवारातील सदस्यांनी वडिलांची‎ अंतिम इच्छा पूर्ण केली आहे.‎ त्यामुळे या परिवाराने समाजासमोर‎ एक आदर्श निर्माण केला आहे.‎ रामदास पंडित यांचे पश्चात पत्नी,‎ तीन मुले, सुना, नातवंड असा बराच‎ मोठा आप्त परिवार आहे.‎