बेमुदत उपोषणास सुरुवात:वारसदारांना डावलून जमिनीची नोंद‎ करुन विक्री; दाम्पत्याचे उपोषण‎

वारसदारांना डावलून नियमबाह्य‎ जमिनीची नोंद करून ती विकल्या‎ प्रकरणी विकत घेणाऱ्या व्यक्तीवर‎ कायदेशीर कारवाई करण्यासाठी‎ रंजना श्रीकुमार खरात व श्रीकुमार‎ खरात रा. बुलडाणा यांनी‎ जिल्हाधिकारी कार्यालयासमाेर‎ बेमुदत उपोषणास सुरुवात केली‎ आहे.‎ निवेदनात नमुद आहे की,‎ बुलडाणा नगर पालिका हद्दीतील‎ मलकापूर रोडवरील १० एकर ३२‎ गुंठे जमिनीपैकी वारसाहक्काने‎ आलेली जमिनी २०१६ -१७ मध्ये‎ वारसदाराच्या कुठल्याही सह्या न‎ घेता बुलडाणा येथील तलाठी,‎ आर आय, नायब तहसीलदार‎‎‎‎‎‎‎‎‎‎‎‎‎‎‎‎‎ यांच्या सहकार्याने सहायक‎ निबंधकाला हाताशी धरुन विक्री‎ करण्यात आली आहे. मलकापूर‎ येथील लोकांनी ही जमीन विकत‎ घेतली असून तेथे प्लॉट पाडणे‎ सुरु केले आहे.

तरी सदर शेती‎ खरेदी प्रकरणात संबधित‎ तत्कालीन सहायक निबंधक,‎ तलाठी, मंडळ अधिकारी, नायब‎ तहसीलदार यांची चौकशी करुन‎ कडक कार्यवाही व्हावी.‎ वडिलोपार्जित जमिनीचा हक्क‎ किंवा मोबदला वारसदार या‎ नात्याने देण्यात यावा. यापुर्वी‎ नायब तहसीलदार गृह विभाग‎ यांचे लेखी आश्वासनामुळे‎ उपोषण तात्पुरते थांबवले होते.‎ मात्र प्रशासनाने कोणतीही‎ कार्यवाही न केल्याने पुन्हा उपोषण‎ सुरु करत असल्याचे निवेदनात‎ नमुद आहे. या उपोषणाचा‎ आजचा दुसरा दिवस होता.‎