आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पदवीधर मतदार संघ निवडणूक:आचारसंहितेमुळे विकासकामांचे फलक काढा‎; प्रशासनाला जिल्हाधिकारी तुम्मोड यांच्या सूचना‎

बुलडाणा‎एका महिन्यापूर्वी
  • कॉपी लिंक

अमरावती पदवीधर मतदार संघाची‎ निवडणूक घोषित झाली असून राजकीय‎ पक्षांची भूमिपूजन, उद्घाटनांची फलके‎ शहरातून काढून टाकावीत अशी सूचना ‎ ‎ जिल्हाधिकारी ह. पी. तुम्मोड यांनी‎ निवडणूक विभागाला दिली आहे. ५‎ जानेवारीला निवडणुकीची अधिसूचना‎ प्रसिद्ध होत असून नामनिर्देशन पत्रह ‎ ‎ स्वीकारण्यास ही सुरुवात होणार असल्याची ‎माहिती जिल्हाधिकारी तुम्मोड यांनी दिली.‎ जिल्हाधिकारी यांचे कक्षात बुधवारी‎ अमरावती पदवीधर मतदार संघांच्या‎ निवडणुकीबाबत पत्रकार परिषद घेण्यात‎ आली.

यावेळी ते बोलत होते. निवडणुक‎ अधिकारी गौरी सावंत यांची यावेळी‎ उपस्थिती होती. यावेळी ते म्हणाले की,नामनिर्देशन पत्र दाखल करण्याचा अखेरची‎ तारीख १२ जानेवारी असून छाननी १३‎ जानेवारी रोजी होणार आहे. अर्ज मागे‎ घेण्याचा दिनांक १६ जानेवारी आहे. मतदान‎ ३० जानेवारी रोजी सकाळी ८ ते सायंकाळी‎ ४ वाजेपर्यंत ठेवण्यात आली आहे.‎ मतमोजणी २ फेब्रुवारी रोजी होणार आहे.‎ निवडणुक प्रक्रिया ४ फेब्रुवारी रोजी पुर्ण‎ होणार आहे. या निवडणुकी दरम्यान कोविड‎ १९ च्या नियमांचे पालन करण्यात येणार‎ आहे.‎

या निवडणुकीसाठी २२ भाग ठेवण्यात आले‎ आहे. ज्यामध्ये चिखली तालुक्यात‎ अमडापूर, मेहकर तालुक्यात डोणगाव,‎ जानेफळ, वि.नगर, देऊळगाव राजा‎ तालुक्यात देऊळगाव मही, सिंदखेड राजा‎ तालुक्यात दुसरबीड, साखरखेर्डा , मोताळा‎ तालुक्यात धामणगाव बढे, बुलडाणा‎ तालुक्यात धाड ही गावे तहसील‎ स्तराव्यतिरिक्त ठेवण्यात आली आहे.‎ जेणेकरुन या भागातही मतदानाची सुविधा‎ असणार आहे. एकुण मतदार संख्या ३६४९७‎ इतकी आहे. एकुण पुरुष मतदार २६१६१‎ असुन महिला मतदार १०३३६ इतकी आहे.‎

असे आहेत मतदार संख्या
मलकापूर २२०४, जळगाव जामोद २२८७,‎ संग्रामपूर १०४२, शेगाव २५६२, धामणगाव‎ बढे३८७, मोताळा १११३, बुलडाणा ६३६६,‎ धाड ५५९, अमडापूर १५६, चिखली‎ ४०३२, मेहकर २०४४, डोणगाव ७३९,‎ जानेफळ ५१५, वि.नगर ३४७, देऊळगाव‎ मही ४४५, देऊळगाव राजा १३३०,‎ सिंदखेड राजा ५३३, दुसरबीड ३९२,‎ साखरखेर्डा ४१९, लोणार १५२६‎

बातम्या आणखी आहेत...