निषेध‎:सकल हिंदू जनआक्रोशच्या‎ मोर्चाला नांदुरा येथे प्रतिसाद‎

लव्ह जिहादच्या विरोधात व धर्मांतर विरोधी कायदा‎ लागू करण्यात यावा, या मागणीसाठी हिंदुत्ववादी‎ संघटनांनी आयोजित केलेल्या सकल हिंदू जन‎ आक्रोश महामोर्चाला शहरात अभूतपूर्व प्रतिसाद‎ मिळाला. शहरात आज दिवसभर कडकडीत बंद‎ पाळण्यात आला. त्यामुळे शहरातील प्रमुख रस्त्यावर‎ एकच शुकशुकाट पसरला होता.‎ मागील अनेक दिवसांपासून शहर व तालुक्यात हिंदू‎ धर्मीयांच्या विरोधात सुनियोजित पद्धतीने लव्ह‎ जिहादचा कट रचून हिंदू मुलींना जाणीव पूर्वक लक्ष‎ केल्या जात आहे. मागील पंधरा दिवसात अशा‎ लागोपाठ तीन घटना घडल्या आहेत. त्यामुळे सकल‎ हिंदू समाजात तीव्र संतापाची भावना निर्माण झाली‎ आहे. या घटनांचा निषेध करण्यासाठी आज ४ मार्च‎ रोजी शहरात कडकडीत बंद पाळुन जन आक्रोश‎ महामोर्चाचे आयोजन करण्यात आले होते.

भाजपा नेते‎ तथा माजी आमदार चैनसुख संचेती यांच्या नेतृत्वात‎ नांदुरा खुर्द येथील जबलेश्वर मंदिर येथून मोर्चाला‎ सुरुवात करण्यात आली. या मोर्चात भाजपचे सुधीर‎ मुर्हेकर, तालुकाध्यक्ष संतोष मुंढे, बलदेवराव चोपडे,‎ शिवाजी पाटील, राम झांबरे, शिवचंद्र तायडे, शैलेश‎ मीरगे, ब्रम्हानंद चौधरी, प्रमोद हिवाळे, बजरंग दलाचे‎‎‎‎‎‎‎‎‎‎‎‎‎ अँड अमोल अंधारे, पिंटू धोरण, गजानन डीवरे,‎ शिवसेना शहर प्रमुख अनिल जांगडे, श्याम राखोंडे,‎ मनसेचे भागवत उगले, महिला आघाडीच्या अर्चना‎ पाटील, सारिका डागा, मराठा महासंघाचे जिल्हाध्यक्ष‎ बाळासाहेब चांभारे, कोळी महासंघाचे जिल्हाध्यक्ष‎ पहाडसिंग सुरळकर, शिवसेना महिला आघाडीचा‎ सरिता बावस्कर, प्रज्ञा तांदळे यांच्यासह भाजप,‎ शिवसेना, मनसे, बजरंग दल, विहीप, आरपीआय‎ आठवले गट यासह हिंदू समाजातील तब्बल दहा‎ हजारांहून अधिक महीला, नागरिक या मोर्चात सहभागी‎ झाले होते.

व्यावसायिकांचाही चांगला प्रतिसाद‎
लिव्ह जिहादच्या विरोधात आज शहरात पाळण्यात‎ आलेल्या बंदला व्यावसायकांनी उत्स्फूर्त प्रतिसाद‎ दिला आहे. शहरातील शाळा, महाविद्यालये,‎ भाजीपाला विक्री, मद्य विक्री या सह अन्य दुकाने‎ सकाळ पासुनच बंद ठेवण्यात आली होती. त्यामुळे‎ शहराच्या प्रमुख मार्गांवर शुकशुकाट दिसून आला‎ होता. काळी पिवळी वाहने व ऑटो देखील बंद‎ ठेवण्यात आले होते. दवाखाने, मेडिकल आणि बँका‎ मात्र सुरू होत्या.‎