यात्रा:सैलानीत आज निघणार‎ संदल; भाविक दाखल‎

राज्यासह परराज्यातील लाखो भाविकांचे‎ श्रद्धास्थान असलेल्या सैलानी येथे‎ रविवार, १२ मार्चला हाजी अब्दुल रहेमान‎ उर्फ सैलानी बाबा यांचा संदल काढण्यात‎ येणार आहे. या संदलसाठी लाखो भाविक‎ मिळेल त्या वाहनाने सैलानीत डेरेदाखल‎ होत आहेत.‎ देशभरातील सर्वधर्मीय लाखो भाविकांचे‎ श्रद्धास्थान असलेल्या पिंपळगाव सराई‎ येथील सैलानी बाबाच्या यात्रेला खऱ्या‎ अर्थाने होळीपासून सुरुवात झाली आहे.‎ कोरोनामुळे मागील तीन वर्षांपासून यात्रेला‎ खंड पडला होता.

परंतु आता कोरोनाचा‎ प्रादुर्भाव कमी झाल्यामुळे यंदा मोठ्या‎ उत्साहात ही यात्रा भरणार असल्याचे दिसून‎ येत आहे. यात्रेसाठी भाविक मिळेल त्या‎ वाहनाने सैलानीत येत आहेत. हजारो‎ भाविक काही दिवसांपासून सैलानीत‎ डेरेदाखल झाले आहेत.

अंजिठा‎ डोंंगरकुशीत वसलेल्या पिंपळगाव सराई येथे‎ हाजी अब्दुल रहेमान उर्फ सैलानी बाबा‎ यांची दर्गा आहे. सैलानी बाबाचे मनोभावे‎ दर्शन घेण्यासाठी होळी व संदलच्या दिवशी‎‎‎‎‎‎‎‎‎‎‎‎‎ लाखो भाविक या ठिकाणी येतात. यात्रेत‎ भाविकांना येण्यासाठी परिवहन‎ महामंडळाच्या अकोला, औरंगाबाद,‎ जालना, नांदेड, बुलडाणा, चिखली यासह‎ इतर आगारातून मोठ्या प्रमाणात बसेस‎ यात्रेसाठी सोडण्यात येत आहेत. १२ मार्चला‎ रात्री ८ वाजता पिंपळगाव येथून बाबाचा‎ संदल काढण्यात येणार आहे. रात्री दरम्यान‎ सैलानी बाबाच्या दर्ग्यावर चादर चढवली‎ जाणार आहे. त्यानंतर संदलची सांगता‎ करण्यात येणार आहे. या संदलसाठी पोलिस‎ प्रशासनाकडून चोख बंदोबस्त ठेवण्यात‎ आला आहे.‎

सुरक्षेसाठी ८० ठिकाणी‎ ठेवला पोलिस बंदोबस्त‎
भाविकांच्या सुरक्षेसाठी पोलिस‎ प्रशासनाने यात्रेदरम्यान ८० ठिकाणी‎ पोलिस बंदोबस्त ठेवला आहे. याद्वारे‎ अनुचित प्रकारावर नजर ठेवली जाणार‎ आहे. काही अनुचित प्रकार घडल्यास‎ भाविकांनी आपल्या जवळच्या बंदोबस्त‎ ठिकाणी संपर्क साधावा.‎ - राजवंत आठवले, ठाणेदार, रायपूर.‎