आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:शेतांभोवती साड्यांचे कुंपण‎; वन्य प्राण्यांचा हैदोस रोखण्यासाठी शेतकऱ्यांनी लढवली शक्कल‎

मेरा खुर्द‎एका महिन्यापूर्वी
  • कॉपी लिंक

चिखली तालुक्यातील मेरा,‎ असोला, अंत्री खेडेकर, गुंजाळा, अंचरवाडी या परिसरात वन्यप्राणी ‎शेतीपिकांचे मोठ्या प्रमाणात‎ नुकसान करत आहेत. या‎ परिसरातील शेतकरी पिके ‎वाचवण्यासाठी विविध‎ उपाययोजना करत असल्याचे‎ दिसून येत आहे.

त्यातच या‎ भागातील अनेक शेतकऱ्यांनी नवी ‎ ‎ शक्कल लढवत वन्य प्राण्यांचा‎ हैदोस रोखण्यासाठी शेताभोवती ‎धुऱ्यांव साड्यांचे कुंपण उभे केले‎ आहे.‎ एकीकडे निसर्गाच्या‎ लहरीपणामुळे पिकांना धोका‎ असतानाच परिसरात वन्य‎ प्राण्यांच्या हैदोसामुळेही पिके‎ संकटात सापडली आहे. त्यामुळे‎ शेतकऱ्यांची रात्रीची झोपही‎ उडाली‎‎ आहे.

पिकांच्या आधारावरच‎ शेतकरी कुटुंबाचा उदरनिर्वाह‎ अवलंबून असल्याने शेतकरी‎ मुला-बाळांप्रमाणे पिकांना जीव‎ लावतात. परंतु, वन्य प्राण्यांकडून‎ सातत्याने नुकसान होत आहे.‎ असे असतानाही प्रशासनाकडून‎ सर्वेक्षण केले जात नाही. तसेच‎ वन विभागही याची दखल घेत‎ नाही. त्यामुळे शेतकरी संकटात‎ सापडले आहे. अनेकदा‎ शेतकऱ्यांना रात्री-बेरात्री शेतात‎ जावे लागत आहे. पिके‎ वाचविण्यासाठी वन विभागाने‎ वन्य प्राण्यांचा बंदोबस्त करावा,‎ अशी मागणीही परिसरातील‎ शेतकरी करत आहेत.‎ पिकांची वन्य प्राण्यांकडून‎ होणारी नासाडी थांबविण्यासाठी‎ परिसरातील शेतकरी आटोकाट‎ प्रयत्न करत आहेत.

शेतकरी‎ पिकांसाठी विविध पर्याय शोधत‎ आहेत. त्यामध्ये शेतांभोवती‎ अनेकांनी तारेचे कुंपण केले आहे.‎ परिसरातील अनेक शेतकऱ्यांनी‎ तर वेगळाच पर्याय शोधत‎ साड्यांचेही कुंपणही केल्याचे‎ दिसून येत आहे. संपूर्ण‎ शेताभाेवती साड्यांचे कुंपण तयार‎ केल्याने वन्य प्राण्यांकडून पिकांची‎ नासाडी कमी प्रमाणात होईल,‎ अशी अपेक्षा शेतकऱ्यांना आहे.‎

परिसर झाला‎ विविधरंगी
‎परिसरातील बहुतांश शेतकऱ्यांनी‎ शेताभोवती विविधरंगी साड्यांचे‎ कुंपण केले आहे. त्यामुळे सर्वदूर‎ पसरलेल्या पिकांच्या‎ हिरवळीसोबतच कुंपणाच्या‎ साड्यांमुळे परिसर रंगीबेरंगी‎ दिसून येत आहे.‎

शेतांना फायदा‎
वन्य प्राण्यांपासून पिके‎ वाचविण्यासाठी बाजारातून‎ आणलेल्या तसेच घरात‎ असलेल्या जुन्या साड्या िकंवा‎ कापड कुंपणाला लावतो. यामुळे‎ शेतांना थोडा का होईना फायदा‎ होतो.‎ - खंडू लोखंडे, शेतकरी,‎ असोला‎

बातम्या आणखी आहेत...