अभिवादन:सावित्रीमाईंनी स्त्री शिक्षणासाठी‎ केलेले कार्य अभूतपूर्व : प्रा. हिवाळे‎

माता सावित्रीबाईंनी महिलांसाठी‎ पहिली शाळा सुरु करुन, स्त्रियांना‎ शिक्षणाची संधी उपलब्ध करुन दिली.‎ त्यांचे हे कार्य म्हणजे स्त्रीच्या‎ शिक्षणासाठी अभूतपूर्व असे कार्य‎ आहे. असे प्रतिपादन प्रा. सुधाकर‎ हिवाळे यांनी केले.‎ भारतातील पहिल्या शिक्षिका,‎ मुख्याध्यापिका, स्त्री शिक्षणाच्या‎ प्रणेत्या, विद्येची जननी, व समस्त‎ स्त्रियांना प्रकाशाची वाट दाखवणाऱ्या‎ क्रांतिज्योती सावित्रीबाई फुले यांना श्री‎ सावता शिक्षण प्रसारक व क्रीडा‎ मंडळाच्या वतीने १० मार्च रोजी‎ मंडळाच्या सभागृहात स्मृतिदिनानिमित्त‎ अभिवादन कार्यक्रमाचे आयोजन‎‎‎‎‎‎‎‎‎‎‎‎‎‎‎ करण्यात आले होते.

त्यावेळी ते बोलत‎ होते. कार्यक्रमाच्या अध्यक्षस्थानी‎ मंडळाचे अध्यक्ष के. टी. पांडव हे‎ होते. तर प्रमुख पाहुणे म्हणून उपाध्यक्ष‎‎‎‎‎‎‎‎‎‎‎‎‎‎‎ प्रभाकर चंद्रभान घोंगडे व राजश्री‎ जगन्नाथ उबाळे या उपस्थित होत्या.‎ सर्वप्रथम मान्यवरांच्या हस्ते‎ क्रांतिज्योती सावित्रीबाई फुले यांच्या‎ प्रतिमेचे पूजन करून पुष्पहार अर्पण‎ करण्यात आले.

या प्रसंगी प्रभाकर‎ चंद्रभान घोंगडे यांनी सावित्रीबाईंच्या‎ जीवनकार्यावर प्रकाश टाकला.‎ त्यानंतर के. टी. पांडव यांनी‎ सावित्रीमाई फुले यांच्या कार्याची‎ विस्तृत माहिती दिली. कार्यक्रमाचे‎ नियोजन मंडळाचे कार्याध्यक्ष गजानन‎ हुडेकर यांनी केले.‎ कार्यक्रमाला काशीराम लहासे,‎ तुकाराम पांडव, रामराव हुडेकर,‎ आनंदा सोनुने, विठ्ठलराव सोनुने, डॉ.‎ नंदकिशोर पवार, प्रकाश लहासे,‎ रामेश्वर हुडेकर, जगन्नाथ उबाळे,‎ पुरुषोत्तम जाधव आदी उपस्थित होते.‎ सूत्रसंचालन मंडळाचे सचिव रमेश‎ हुडेकर यांनी तर आभार अंबादास‎ लक्ष्मण गोरे यांनी केले.‎