आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शहर पोलिसांची कारवाई:विवाहितेसह भावाच्या अपहरण‎ प्रकरणातील सात आरोपी जेरबंद‎

मलकापूर25 दिवसांपूर्वी
  • कॉपी लिंक

‎घरात घुसून तोडफोड व मारहाण‎ करून विवाहित महिला व तिच्या‎ भावाचे अपहरण केल्याची घटना ‎ ‎ शहरातील अशोक नगर परिसरात‎ गुरुवारी रात्री घडली होती. प्रकरणी‎ शहर पोलिसांनी आरोपी विरुध्द गुन्हा‎ दाखल केला होता. त्यानंतर शहर‎ पोलिसांनी तपास चक्र फिरवत‎ अवघ्या दोन दिवसांत सात आरोपींना‎ अटक केली. दरम्यान, शनिवारी‎ आरोपींना न्यायालयात हजर केले‎ असता न्यायालयाने त्यांना ९‎ जानेवारीपर्यंत पोलिस कोठडी‎ सुनावली आहे.‎ अशोक नगरातील गजानन ठोसर‎ याने बँकेत नोकरी लावून देतो, असे‎ म्हणून घेतलेली रक्कम परत‎ घेण्यासाठी काही लोक वारंवार‎ त्याच्या घरी आले.

परंतु त्यांना पैसे न‎ मिळाल्याने त्यांनी आक्रमक भूमिका‎ घेत गजानन ठोसर यांच्या घरी‎ पोहोचले. यावेळी त्यांनी घरातील‎ साहित्याची तोडफोड करून घरच्या‎ ‎ ‎ ‎ ‎ ‎ लोकांना मारहाण केली. एवढ्यावरच‎ न थांबता त्यांनी गजानन ठोसर यांची‎ पत्नी रूपाली गजानन ठोसर व त्यांचा‎ भाऊ शिवम श्रीनाथ अशा दोघांनाही‎ जबरीने सोबत घेऊन गेले.

या‎ घटनेची वार्ता परिसरात वाऱ्यासारखी‎ पसरल्याने एकच खळबळ उडाली‎ होती. प्रकरणी अपहरण झालेल्या‎ विवाहित महिलेची बहिण वैशाली‎ रवी रत्नपारखी यांनी शहर पोलिसांत‎ तक्रार दाखल केली. या तक्रारीवरून‎ पोलिसांनी अज्ञात आरोपींविरुद्ध‎ संगनमताने घरात घुसून तोडफोड व‎ मारहाण त्याचबरोबर अपहरणाचा‎ गुन्हा दाखल केला. प्रकरणी‎ पोलिसांनी काल शुक्रवारी रामावतार‎ रघुनाथ लोधी, शिवलनगर भुसावळ‎ व मुन्ना विरसींह जमरे रा.हेलपाडावा‎ चौपाले जि.खरगोन या दोघांना अटक‎‎ केली.

सध्या दोघेही पोलिस कोठडीत‎ आहेत. तर सहाय्यक पोलीस‎ निरीक्षक बालाजी सानप यांच्या‎ मार्गदर्शनाखाली गेलेल्या पथकाने‎ आज शनिवार रोजी उमेश हरीभाऊ‎ ठाकरे वय २९ वर्ष, रा. मसुला‎ ता.मंगरुळपिर जि.वाशिम, राहुल‎ उत्तम माने वय २६ वर्ष, रा.खानापुर‎ जि. सांगली, हर्षवर्धन संभाजी‎ चव्हाण वय २९, रा.येडराव‎ ता.शिरोळ, जि. कोल्हापुर, रेवलसिंग‎ भावसिंग मंडलोई वय २८, रा.हेला‎ पडावा ता.झिरनिया जि.खरगोण म.प्र,‎ रंजना हेमनारायण लोधी वय ३९,‎ रा.शिवदत्त नगर भुसावळ, या पाच‎ आरोपींना अटक केली. मागील दोन‎ दिवसात पोलिसांनी अपहरण‎ प्रकरणातील एकुण सात आरोपींना‎ अटक करून जेरबंद केले.‎

बातम्या आणखी आहेत...