आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कार्यक्रम:पिता-पुत्राची‎ शाहिरी शिवगर्जना‎; स्मृतिदिनी शाहिरी शिवगर्जना‎ कार्यक्रम

बुलडाणा‎22 दिवसांपूर्वी
  • कॉपी लिंक

शाहीरीच्या माध्यमातून महाराष्ट्राचे आत्मभान जागृत‎ करणाऱ्या शाहिरांमध्ये अग्रगण्य नाव म्हणजे शाहीर‎ बाबुसिंग राजपूत. लोककलेतील त्यांचे असीम‎ योगदान आणि शाहिरीला जिवंत ठेवण्यासाठी त्यांनी‎ वेचलेल्या आयुष्याप्रती कृतज्ञता व्यक्त करण्यासाठी‎ त्यांच्या ३६ व्या स्मृतिदिनी शाहिरी शिवगर्जना‎ कार्यक्रम आयोजित करण्यात आला आहे.‎ संभाजीनगर- औरंगाबादचे शिवशाहीर सुरेश‎ जाधव आणि त्यांचे सुपुत्र शिवशाहीर यशवंत सुरेश‎ जाधव हे पिता-पुत्र शाहिरी शिवगर्जना कार्यक्रम‎ सादर करतील. शुक्रवार, ६ जानेवारी रोजी बुलडाणा‎ येथील गर्दे वाचनालयाच्या सभागृहात संध्याकाळी‎ ६.३० वाजता हा कार्यक्रम होणार आहे.

कार्यक्रमाच्या‎ अध्यक्षस्थानी बुलडाणा मतदार संघाचे आ. संजय‎ गायकवाड राहतील. प्रमुख अतिथी म्हणून बुलडाणा‎ अर्बनचे मुख्य कार्यकारी संचालक डॉ. सुकेश झंवर‎ उपस्थित राहतील. तर माजी आमदार हर्षवर्धन‎ सपकाळ, स्वाभिमानी शेतकरी संघटनेचे नेते‎ रविकांत तुपकर आणि युथ वेल्फेअर असोसिएशनचे‎ अध्यक्ष विजय अंभोरे यांची विशेष उपस्थिती‎ असणार आहे. महाराष्ट्राची सांस्कृतिक लोकधारा‎ अर्थात शाहिरी लोककलेचे दणकेबाज सादरीकरण‎ पाहण्यासाठी शाहिरी शिवगर्जना कार्यक्रमाला कला‎ रसिकांनी मोठ्या संख्येत उपस्थिती दर्शवावी, असे‎ आवाहन कार्यक्रमाचे आयोजक शाहीर बाबुसिंग‎ राजपूत कलामंचकडून करण्यात आले आहे.‎

बातम्या आणखी आहेत...